കോതമംഗലം ചെറിയപള്ളി സർക്കാർ ഏറ്റെടുക്കണമെന്ന് ഹൈക്കോടതി

കൊച്ചി: ഓർത്തഡോക്സ്-യാക്കോബായ വിഭാഗങ്ങൾ തമ്മിൽ തർക്കം തുടരുന്നതിനിടെ, കോതമംഗലം ചെറിയ പള്ളി സർക്കാർ ഏറ്റെടുക്കാൻ ഹൈക്കോടതി ഉത്തരവ്. ജില്ലാ മജിസ്ട്രേറ്റിന്റെ അധികാരം ഉപയോഗിച്ച് ജില്ലാ കലക്റ്റർ അടിയന്തരമായി പള്ളി ഏറ്റെടുക്കണമെന്ന് ജസ്റ്റിസ് പി.ബി സുരേഷ് കുമാറിന്റെ ബെഞ്ച് നിർദേശിച്ചു. മലങ്കരസഭയിലെ പള്ളികളുടെ ഭരണാവകാശം ഓർത്തഡോക്സ് വിഭാഗത്തിനു നൽകിക്കൊണ്ടുള്ള സുപ്രീം കോടതി വിധി നടപ്പാക്കണമെന്ന് ആവശ്യപ്പെട്ട് തോമസ് പോൾ റമ്പാൻ നൽകിയ ഹർജിയിലാണ് ഹൈക്കോടതിയുടെ ഉത്തരവ്. നേരത്തെ സുപ്രീം കോടതി വിധി അനുസരിച്ച് കോതമംഗലം പള്ളിയിൽ പ്രാർഥന നടത്തുന്നതിന് സുരക്ഷ ആവശ്യപ്പെട്ട് തോമസ് പോൾ റമ്പാൻ ഹൈക്കോടതിയെ സമീപിച്ചിരുന്നു. സുരക്ഷ നൽകണമെന്ന് ഹൈക്കോടതി ഉത്തരവിട്ടെങ്കിലും യാക്കോബായ വിഭാഗം പ്രതിഷേധിച്ചു രംഗത്തെത്തിയതോടെ ഇതു നടപ്പാക്കാനായില്ല. ഇതിനെത്തുടർന്നാണ് വീണ്ടും ഹർജിയുമായി റമ്പാൻ ഹൈക്കോടതിയിൽ എത്തിയത്. പള്ളിയുടെ ഭരണം ഉടൻ തന്നെ ജില്ലാ കലക്റ്റർ ഏറ്റെടുക്കണമെന്ന് കോടതി നിർദേശിച്ചു. പള്ളിയിലുള്ള എല്ലാവരെയും നീക്കം ചെയ്യണം. സ്ഥിതിഗതികൾ ശാന്തമായ ശേഷം പള്ളി മതപരമായ ചടങ്ങുകൾക്കായി ഓർത്തോഡക്സ് പക്ഷത്തിനു കൈമാറണം. ക്രമസാധാന പ്രശ്നങ്ങളില്ലെന്ന് ഉറപ്പു വരുത്തിയ ശേഷമാവണം പള്ളി കൈമാറുന്നതെന്ന് കോടതി നിർദേശിച്ചു.
Kerala
-
ലൈംഗിക അതിക്രമ കേസുകളിൽ ജാഗ്രത വേണം, തെളിവില്ലാതെ പ്രതിയാക്കരുത്;
കൊച്ചി: ലൈംഗിക അതിക്രമ കേസുകളിൽ ജാഗ്രത പുലർത്തണമെന്നു ഹൈക്കോടതി. അന്വേഷണ ഉദ്യോഗസ്ഥരും പ്രോസിക്യൂട്ടറും കോടതികളും ഇക്കാര്യത്തിൽ ജാഗ്രത
Gulf
-
ഷാര്ജയില് മലയാളി പെൺകുട്ടി കെട്ടിടത്തില് നിന്നും വീണു മരിച്ച
ഷാർജ: ഷാർജ നബയിൽ മലയാളി പെൺകുട്ടിയെ കെട്ടിടത്തിൽ നിന്നും വീണു മരിച്ച നിലയിൽ കണ്ടെത്തി. ഷാർജ ഔർ ഓൺ സ്കൂളിലെ പത്താം ക്ലാസ് വിദ്യാർഥിനി നന്ദിത (15) യാണ്
National
-
ആറ് സീറ്റ് ചോദിച്ചപ്പോൾ 12 നൽകി, ഇനി യെദിയൂരപ്പയ്ക്ക്
ന്യൂഡൽഹി: കർണാടക ഉപതിരഞ്ഞെടുപ്പ് ബി.ജെ.പിക്ക് നൽകുന്നത് ഇരട്ടി മധുരമാണ്. മഹാരാഷ്ട്രയിലെ അർദ്ധരാത്രി നാടകങ്ങൾക്കൊടുവിൽ ബി.ജെ.പിക്ക്
International
-
സുഡാനില് ഫാക്റ്ററിയില് സ്ഫോടനം; 18 ഇന്ത്യക്കാര്
ഖര്ത്തും: സുഡാനിൽ സെറാമിക് ഫാക്റ്ററിയിലെ എല്പിജി ടാങ്കര് സ്ഫോടനത്തില് 23 പേര് കൊല്ലപ്പെട്ടു. മരിച്ചവരില് 18 പേര് ഇന്ത്യക്കാരാണ്.