വിംബിള്‍ഡണ്‍ റദ്ദാക്കി; 75 വര്‍ഷത്തിനിടെ ആദ്യം!

കൊറോണ ഭീതിയെ തുടര്‍ന്ന് ഈ വര്‍ഷത്തെ വിംബിള്‍ഡണ്‍ ടെന്നിസ് ടൂര്‍ണമെന്റ് റദ്ദാക്കി. രണ്ടാം ലോകമഹായുദ്ധത്തിന് ശേഷം ആദ്യമായാണ് ടൂര്‍ണമെന്റ് റദ്ദാക്കുന്നത്. ജൂണ്‍ 29 മുതല്‍ ജൂലൈ 12 വരെയാണ് വിംബിള്‍ഡണ്‍ നിശ്ചയിച്ചിരുന്നത്. വൈറസ് ഭീതിയെ തുടര്‍ന്ന് ഏറ്റവും ഒടുവില്‍ റദ്ദാക്കുന്ന ടൂര്‍ണമെന്റാണിത്. നേരത്തെ യൂറോ കപ്പ് ഫുട്‌ബോളും ടോക്കിയോ ഒളിംപിക്‌സും റദ്ദാക്കിയിരുന്നു. മെയില്‍ നടക്കേണ്ട ഫ്രഞ്ച് ഓപണ്‍ സെപ്തംബര്‍ 20- ഒക്ടോബര്‍ നാലിലേക്ക് നീട്ടിയിട്ടുണ്ട്.