ഇന്ത്യയിൽ നിന്നുള്ള യാത്രക്കാർക്ക് താത്കാലിക വിലക്കേർപ്പെടുത്തി ന്യൂസിലാൻഡ്

വെല്ലിങ്ടൺ : ഇന്ത്യയിൽ കൊവിഡ്   കേസുകൾ വർധിക്കുന്ന സാഹചര്യത്തിൽ ഇന്ത്യയിൽ നിന്നുള്ള യാത്രക്കാർക്ക് താത്കാലിക വിലക്കേർപ്പെടുത്തി ന്യൂസിലാൻഡ് .ഏപ്രിൽ 11  മുതൽ 28  വരെയാണ് വിലക്ക് .ഇന്ത്യയിൽ നിന്നും തിരിച്ചു പോകുന്ന ന്യൂസിലാൻഡ് പൗരന്മാർക്കും ഇത് ബാധകമാണ് . കര്‍ശന നിയന്ത്രണങ്ങളോടെ യാത്രക്കാരെ രാജ്യത്തേക്ക് പ്രവേശിപ്പിക്കുന്നതിനുള്ള നടപടികള്‍ ആലോചിച്ച് നടപ്പാക്കുമെന്ന് ന്യൂസിലാൻഡ്  പ്രധാനമന്ത്രി ജസിന്‍ഡ പറഞ്ഞു .ഇന്ത്യയിൽ കൊവിഡ്  കേസുകൾ ദിനംപ്രതി വർധിക്കുന്ന സാഹചര്യമാണ്  നിലവിലുള്ളത് .കഴിഞ്ഞ മൂന്ന് ദിവസമായി ഒരു ലക്ഷത്തിലേറെ കേസുകൾ ഇന്ത്യയിൽ  റിപ്പോർട്ട് ചെയ്തു .