തിരുവനന്തപുരം: മുഖ്യമന്ത്രിക്കെതിരെ ശബ്ദമുയർത്തി പ്രതിപക്ഷ നേതാവ് വി.ഡി സതീശൻ. അഴിമതി സർവകലാശാലയുടെ വൈസ് ചാൻസലറാണ് മുഖ്യമന്ത്രി പിണറായി വിജയനെന്നും സംസ്ഥാനത്ത് അഴിമതി വ്യാപകമാകുന്നുവെന്ന് പറഞ്ഞ അദ്ദേഹം സ്വന്തം ഓഫീസിൽ നടന്ന അഴിമതികൾ മുഖ്യമന്ത്രി അറിഞ്ഞില്ലേയെന്നും അദ്ദേഹം ചോദ്യമുയർത്തി.
അഴിമതിക്കെതിരായ മുഖ്യമന്ത്രിയുടെ ഗിരിപ്രഭാഷണം ചിരി ഉണർത്തുന്നതാണ്. മുഖ്യമന്ത്രിക്കെതിരായ അഴിമതിയിൽ മറുപടി പറയാതെ പേടിച്ചോടുന്ന ആളാണ് അദ്ദേഹമെന്നും പ്രതിപക്ഷ നേതാവ് പരിഹസിച്ചു. അഴിമതി ക്യാമറ സ്ഥാപിച്ചത് ആയിരം കോടി പോക്കറ്റടിക്കാനാണ്. ജൂൺ അഞ്ചിന് ക്യാമറ സ്ഥാപിച്ച സ്ഥലത്ത് യു.ഡി.എഫ് സായാഹ്‌ന പ്രതിഷേധ ധർണ്ണ നടത്തും. ക്യാമറയ്ക്ക് കേടുപാടുകൾ വരുത്തില്ല. മുഖ്യമന്ത്രിയുടെ ഓഫീസ് കേന്ദ്രമാക്കി തുടർച്ചയായ അഴിമതി നടക്കുകയാണ്. എന്നിട്ട് വില്ലേജ് ഓഫീസറെ കളിയാക്കുകയാണ് മുഖ്യമന്ത്രിയെന്നും അദ്ദേഹം കുറ്റപ്പെടുത്തി.
