തിരുവനന്തപുരം: കേരളത്തിലെ ഉയർന്ന താപനിലയിൽ മാറ്റമില്ല. ഈ ദിവസങ്ങളിൽ സാധാരണയെക്കാൾ ഉയർന്ന ചൂട് അനുഭവപ്പെടാനാണ് സാധ്യത. പാലക്കാട് എരിമയൂരിൽ ഓട്ടോമാറ്റിക് വെതർ സ്റ്റേഷൻ കണക്ക് പ്രകാരം ഏറ്റവും കൂടിയ താപനില രേഖപ്പെടുത്തിയിരുന്നു.
43.5 ഡിഗ്രി സെൽഷ്യസായിരുന്നു അത്. ദുരന്ത നിവാരണ അതോറിറ്റി രാവിലെ 11 മുതൽ ഉച്ചയ്ക്ക് മൂന്ന് വരെയുള്ള സമയത്ത് തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കണമെന്ന് മുന്നറിയിപ്പ് നൽകി. അതേസമയം ഒറ്റപ്പെട്ട ഇടങ്ങളിൽ മഴ പെയ്യാനും സാധ്യതയുണ്ട്. മഴ വ്യാഴ്ചയോടെ മെച്ചപ്പെട്ടേക്കുമെന്നും കലാവസ്ഥാ നിരീക്ഷണ കേന്ദ്രം അറിയിച്ചു.
