ന്യൂഡൽഹി: ഹൈക്കോടതിയുടെ സ്വകാര്യ ബസുകൾക്ക് ദീർഘദൂര സർവീസ് നടത്താമെന്ന ഉത്തരവിനെതിരെ കെ.എസ്.ആർ.ടി.സി അപ്പീലുമായി സുപ്രീംകോടതിയെ സമീപിച്ചു. സ്റ്റാൻഡിംഗ് കൗൺസൽ ദീപക് പ്രകാശാണ് കോർപ്പറേഷന് വേണ്ടി ഹർജി സമർപ്പിച്ചത്. കെ.എസ്.ആർ.ടിസി ഹർജിയിൽ പറയുന്നത് ഹൈക്കോടതി ഉത്തരവ് കോർപ്പറേഷന് വലിയ തിരിച്ചടിയുണ്ടാക്കുന്നുവെന്നും കോർപ്പറേഷന്‍റെ അവകാശം ഡിവിഷൻ ബെഞ്ച് ഉത്തരവ് ഇല്ലാതെയാക്കുന്നുവെന്നുമാണ്.
ദീർഘദൂര സർവീസ് നടത്തുന്ന കാര്യത്തിൽ സർക്കാർ ഇടപെടലുണ്ടായത് സ്വകാര്യ ബസുകൾ നിയമം ലംഘിച്ചതോടെയാണ്. കെ.എസ്.ആർ.ടി.സി ഹർജിയിൽ ഹൈക്കോടതി ഉത്തരവ് കോർപ്പറേഷന് സൃഷ്ടിക്കുന്നത് വലിയ തിരിച്ചടിയാണെന്ന് സൂചിപ്പിച്ചിരിക്കുന്നു. ഹർജിയിൽ ചൂണ്ടിക്കാണിക്കുന്നത് മുൻകാല ഉത്തരവുകൾ ഹൈക്കോടതി കണക്കിലെടുത്തില്ലെന്നും ദീർഘദൂര സർവീസ് നടത്താനുള്ള അവകാശം കെ.എസ്.ആർ.ടി.സിക്ക് ആണെന്നുമാണ്.
