തിരുവനന്തപുരം: തൃശൂർ, പാലക്കാട്, കണ്ണൂർ ജില്ലകളിൽ താപനില 39 °C വരെയുെ കോട്ടയം, കോഴിക്കോട് ജില്ലകളിൽ 37°C വരെയും ഇന്നും നാളെയുമായി താപനില ഉയരുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. ഇന്നലെ രാജ്യത്തും സംസ്ഥാനത്തും റെക്കോർഡ് ചൂട് രേഖപ്പെടുത്തിയിരുന്നു. സംസ്ഥാനത്തെ ഈ വർഷത്തെ ഏറ്റവും ഉയർന്ന ചൂട് ( 39°c) ഇന്നലെ പാലക്കാടും, കരിപ്പൂർ വിമാനതാവളത്തിലും രേഖപെടുത്തി.
ഇന്നലെ സംസ്ഥാനത്തെ ഏറ്റവും ഉയർന്ന ശരാശരി താപനിലയായ 36.2°c ഉം രേഖപെടുത്തിയിരുന്നു. മധ്യപ്രാദേശിലെ രാജ്ഗഡിൽ രാജ്യത്തെ ഈ വർഷത്തെ ഏറ്റവും ഉയർന്ന ചൂട് ( 43°c) ഇന്നലെ രേഖപെടുത്തി. വർദ്ധിച്ചു വരുന്ന സാഹചര്യത്തിൽ പൊതുജനങ്ങൾക്കായി സംസ്ഥാന ദുരന്ത നിവാരണ അതോറിറ്റി ജാഗ്രത നിർദേശങ്ങൾ പുറപ്പെടുവിച്ചു. പകൽ 11 മുതല് മൂന്ന് വരെ ശരീരത്തിലേക്ക് നേരിട്ട് കൂടുതൽ സമയം തുടർച്ചയായി സൂര്യപ്രകാശം എല്ക്കുന്ന സാഹചര്യം ഒഴിവാക്കണമെന്നാണ് പ്രധാന നിര്ദ്ദേശം.
