തൊടുപുഴ: 1997-1998 ബാച്ച് ബി.എഡ് വിഭാഗത്തിന്റെ പൂർവ്വ വിദ്യാർത്ഥി കൂട്ടായ്മ സ്നേഹക്കൂടെന്ന പേരിൽ തൊടുപുഴ ടീച്ചർ എഡ്യുക്കേഷൻ സെന്ററിൽ വച്ച് സംഘടിപ്പിച്ചു. പൂര‍്‍വ്വ വിദ്യാർത്ഥി പ്രതിനിധി ഷൈജു തങ്കപ്പൻ അധ്യക്ഷത വഹിച്ച യോഗം ജില്ലാ പഞ്ചായത്ത് മെമ്പർ ഇന്ദു സുധാകരൻ ഉദ്ഘാടനം ചെയ്തു.
പുതിയ തലമുറയെ വാർത്തെടുക്കുന്ന അധ്യാപകർ നേരിടുന്നത് പുതിയതരം വെല്ലുവിളികളാണെന്നും അത്തരം വെല്ലുവിളികളെ നേരിടാൻ പുതിയ രീതിയിലുള്ള അധ്യാപക ശാക്തീകരണത്തിന് പ്രാധാന്യമുണ്ടെന്നും അത്തരം പ്രവർത്തനങ്ങളെ ശക്തിപ്പെടുത്താൻ ഇത്തരം പൂർവ്വ വിദ്യാർത്ഥി കൂട്ടായ്മകൾ ഉപകാരപ്പെടുമെന്ന് ടീച്ചർ എഡ്യുക്കേഷൻ സെന്ററിലെ പ്രിൻസിപ്പൽ സ്റ്റീഫൻ.റ്റി.എ പറഞ്ഞു.
25 വർഷങ്ങൾക്ക് ശേഷം നടന്ന പൂർവ്വ വിദ്യാർത്ഥി കൂട്ടായ്മയിൽ നിരവധിപേർ പങ്കെടുത്തു. തൃശൂർ പൊലീസ് അക്കാദമി പൊലീസ് ഓഫ് പൊലീസ് പി.വാഹിക് മുഖ്യ അതിഥിയായിരുന്നു. സംഗമത്തിൽ അധ്യാപരായ മാഹിൻ.കെ.അളിയാർ, ഷക്കീല.കെ.എസ്, ഹുസ്സൈൻ പോക്കർ, ഡോക്ടർ ബിജുമോൻ.പി.എസ്, ലെസ്സിമോൾ.കെ.ബി എന്നിവർ സംസാരിച്ചു.
