കൊല്ലം: കരുനാഗപ്പള്ളിയിൽ പത്ത് വയസുകാരിക്ക് നേരെ ലൈംഗീകാതിക്രമം നടത്തിയ മദ്രസ അധ്യാപകൻ അറസ്റ്റിൽ. കരുനാഗപ്പള്ളി തഴവ കുറ്റിപ്പുറം സ്വദേശി നൗഷാദാണ്(44) അറസ്റ്റിലായത്. മദ്രസ അധ്യാപകനായ നൗഷാദ് കുട്ടിയെ പിൻതുടർന്ന് വീട്ടിലെത്തുകയും ലൈംഗീകാതിക്രമം നടത്തുകയുമായിരുന്നു.
ആരുമില്ലാത്ത സമയത്തായിരുന്നു സംഭവം നടന്നത്. എന്നാൽ ഉടൻ തന്നെ കുട്ടി പ്രതിയെ വീടിന് പുറത്താക്കി കതകടച്ച് രക്ഷപെടുകയായിരുന്നു. സംഭവം കുട്ടി സ്കൂളിലെ അധ്യാപികയോടാണ് പറഞ്ഞതിനെ തുടർന്ന് പൊലീസിൽ വിവരമറിയിച്ചു.
കുട്ടിയെ കൗൺസിലിങ്ങിന് വിധേയമാക്കി. കരുനാഗപ്പള്ളി പൊലീസിന് ലഭിച്ച പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത് അറസ്റ്റ് ചെയ്തു. കോടതിയിൽ ഹാജരാക്കിയ നൗഷാദിനെ ജുഡീഷ്യൽ കസ്റ്റഡിയിൽ റിമാൻറ് ചെയ്തു.
