കൊച്ചി: സ്വർണ വിലയിൽ വീണ്ടും ഇടിവ്. ഇന്ന് (09/11/2024) പവന് ഒറ്റയടിക്ക് 80 രൂപ കുറഞ്ഞ് ഒരു പവൻ സ്വർണത്തിൻറെ വില 58,200 രൂപയായി. ഗ്രാമിന് 10 രൂപയാണ് കുറഞ്ഞത്. 7,275 രൂപയാണ് ഒരു ഗ്രാം സ്വർണത്തിൻറെ വില. ഒക്ടോബർ 29ന് ചരിത്രത്തിലാദ്യമായി സ്വർണ വില 59,000 എത്തിയത്.
പവൻ വില 60,000ത്തിൽ എത്തുമെന്ന് കരുതിയ ഘട്ടത്തിലാണ് നവംബർ ഒന്ന് മുതൽ സ്വർണ വില ഇടിഞ്ഞ് തുടങ്ങിയത്. വ്യാഴാഴ്ച 1300 രൂപയുടെ കനത്ത ഇടിവിന് ശേഷം വെള്ളിയാഴ്ച തിരിച്ച് കയറിയ സ്വർണ വിലയാണ് ഇന്ന് വീണ്ടും ഇടിഞ്ഞത്.
ഓഹരി വിപണിയിൽ ഉണ്ടായ മുന്നേറ്റം അടക്കമുള്ള ഘടകങ്ങളാണ് സ്വർണ വിലയിൽ പ്രതിഫലിച്ചത്. അതേസമയം, വെള്ളിയുടെ വിലയിൽ ഇന്ന് മാറ്റമില്ല. ഒരു ഗ്രാം വെള്ളിയുടെ വില 100 രൂപയാണ്.
