തൃശൂരിൽ സിഗ്നൽ തെറ്റിച്ച് വന്ന ലോറി സ്കൂട്ടറിലിടിച്ച് ഉണ്ടായ അപകടത്തിൽ സ്കൂട്ടർ യാത്രക്കാരൻ മരിച്ചു

തൃശൂർ: ലോറി സ്കൂട്ടറിലിടിച്ച് സ്കൂട്ടർ യാത്രാക്കാരൻ മരിച്ചു. ചാലക്കുടിയിലെ പോട്ട ആശ്രമം ജംഗ്ഷനിലാണ് അപകടമുണ്ടായത്. ഞാറക്കൽ സ്വദേശി അനീഷ്(40) ആണ് മരിച്ചത്. സിഗ്നൽ തെറ്റി വന്ന ലോറി സ്കൂട്ടറിലിടിക്കുകയായിരുന്നു. അപകടത്തെത്തുടർന്ന് രാസവസ്തു കയറ്റി വന്ന ലോറി പൂർണമായി കത്തി നശിച്ചു. അപകടത്തിൽ നിരങ്ങി നീങ്ങിയ സ്കൂട്ടർ റോഡിൽ ഉരസിയാണ് ലോറിക്ക് തീപിടിച്ചത്. ഒടുവിൽ ഫയർഫോഴ്സിൻറെ രണ്ട് യൂണിറ്റ് എത്തിയാണ് തീയണച്ചത്.