മുത്തോലപുരം: പടിഞ്ഞാറേക്കുറ്റ് കുടുംബയോഗം 17ആമത് വാർഷികം മെയ് 10ന് മുത്തോലപുരം കുടുംബയോഗ ഹാളിൽ നടത്തുമെന്ന് പ്രസിഡന്റ് ജോയി വർഗീസ് പടിഞ്ഞാറേക്കുറ്റ്, സെക്രട്ടറി ബേബി ജോസഫ് മലയിൽ എന്നിവർ അറിയിച്ചു. ശനിയാഴ്ച്ച രാവിലെ 8.30ന് ഫാദർ സെബാസ്റ്റ്യൻ പടിഞ്ഞാറേക്കുറ്റ്, ഫാദർ ഷിന്റോ അറയാനിക്കൽ എന്നിവരുടെ കാർമ്മികത്വത്തിൽ ചക്കാലപ്പാറ കുരിശ് പള്ളിയിൽ ദിവ്യബലി. രാവിലെ 10ന് കുടുംബയോഗം പ്രസിഡന്റ് ജോയി വർഗീസ് പതാക ഉയർത്തും. പ്രഥമ പ്രസിഡൻ്റ് പി.റ്റി പൗലോസ് പടിഞ്ഞാറോക്കുറ്റ് സമ്മേളനം ഉദ്ഘാടനം ചെയ്യും.
സി.എ ജോയി ചമ്പമല, ബേബി ജോസഫ്, ജെയിംസ് പടിഞ്ഞാറേക്കുറ്റ്, ഇലഞ്ഞി ഗ്രാമപഞ്ചായത്ത് പ്രസിഡന്റ് പ്രീതി അനിൽ, ഷൈല ടോമി, പോൾസ് പടിഞ്ഞാറേക്കുറ്റ്, റോമിയോ സേവ്യർ, ജോർജ്ജ് വർഗീസ് ചമ്പമല, ജെസീന്ത പൈലി, സെബി ജോസഫ് തുടങ്ങിയവർ പ്രസംഗിക്കും. നവ വൈദീകരായ ഫാദർ ജോസഫ് തേവർപറമ്പിൽ, ഫാദർ അജിത് വെളിയത്ത് എന്നിവരെ അനുമോദിക്കും.
