Kerala news

കണ്ണൂർ: പയ്യാവൂരിൽ കാൽനടയാത്രക്കാരനെ ബസ് ഇടിച്ചുതെറിപ്പിച്ചു. കണ്ണൂർ പയ്യാവൂർ പൊന്നുപറമ്പ് സ്വദേശി ബാലകൃഷ്ണനെയാണു ബസിടിച്ചത്. ഇന്നലെ വൈകിട്ട് 6.30നായിരുന്നു അപകടം. ഗുരുതര പരിക്കേറ്റ ഇയാളെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇരിട്ടിയിൽ നിന്നും പയ്യാവൂരിലേക്ക് വരികയായിരുന്ന സ്വകാര്യ ബസ് ബാലക‍ൃഷ്ണനെ ഇടിച്ച്തെറിപ്പിക്കുകയായിരുന്നു. ഇടിയേറ്റ ഇയാൾ റോഡിൻ്റെ സൈഡിലേക്കാണ് വീണത്. ഉടൻ നാട്ടുകാർ ചേർന്ന് ബാലക‍ൃഷ്ണനെ പയ്യാവൂരിലെ ആശുപത്രിയിൽ എത്തിക്കുകയും പിന്നീട് കണ്ണൂരിലെ സ്വകാര്യ ആശുപത്രിയിലേക്കും മാറ്റി. ഇയാളുടെ നില ഗുരുതരമായി തുടരുന്നു. ബസ് പയ്യാവൂർ പൊലീസ് കസ്റ്റഡിയിലെടുത്തു.

പാലക്കാട്: കല്ലടിക്കോട് മണ്ണാത്തിപ്പാറ സ്വദേശി ജിനുമോൻ (32) ഡെങ്കിപ്പനി ബാധിച്ച് മരിച്ചു. ഒരാഴ്ച മുൻപാണ് ജിനുവിന് ഡെങ്കിപ്പനി സ്ഥിരീകരിച്ചത്. ആരോഗ്യ നില മോശമായതിനെത്തുടർന്ന് ശനിയാഴ്ച രാവിലെ മരണം സ്ഥിരീകരിച്ചു. സംസ്ഥാനത്ത് പകർച്ചപ്പനികൾ ഏറി വരുകയാണ്. ജാഗ്രത പുലർത്തണണമെന്ന് ആരോഗ്യമന്ത്രി വീണാ ജോർജ് ആവശ്യപ്പെട്ടിരുന്നു.

കൊച്ചി: മന്ത്രി വാസവന്റെ ഇടപ്പെടലിലൂടെ ബാങ്ക് ജപ്‌തിയിൽ നിന്ന് അഞ്ചം​ഗ കുടുംബത്തിന് ആശ്വസം. സർക്കാർ പതിച്ച് നൽകിയ ആകെയുള്ള മൂന്ന് സെന്റ് സ്ഥലവും കിടപ്പാടവും ജപ്‌തി ചെയ്യാനുള്ള കേരള ബാങ്കിന്റെ നടപടിയാണ് മന്ത്രിയുടെ ഇടപെടലിലൂടെ നിർത്തിവെച്ചത്. വിഷയം മന്ത്രിയുടെ ശ്രദ്ധയിൽപ്പെടുത്തിയ അഡ്വ ശ്രീജിത്ത്‌ പെരുമന തന്റെ ഫെയ്‌സ്‌ബുക്ക് കുറിപ്പിലൂടെയാണ് ഇക്കാര്യം വെളിപ്പെടുത്തിയത്. 25 മിനിറ്റിനുള്ളിൽ മന്ത്രിയും, ബാങ്ക് പ്രസിഡന്റ്റും, ചീഫ് എക്‌‌സിക്കുട്ടീവ് ഓഫീസറും, റീജണൽ മാനേജറും എല്ലാവരും ചേർന്ന് ഒരു സ്ത്രീയും അവരുടെ നാല് പറക്കമുറ്റാത്ത മക്കളും …

ബാങ്ക് ജപ്‌തിയിൽ നിന്ന് അഞ്ചം​ഗ കുടുംബത്തിന് ആശ്വസം Read More »

തിരുവനന്തപുരം: വിതുര ചായം സ്വദേശിയായ പ്ലസ് ടു വിദ്യാർഥിയെ തൂങ്ങി മരിച്ച നിലയിൽ കണ്ടെത്തി. പനവൂർ ഹയർ സെക്കൻഡറി സ്കൂളിലെ വിദ്യാർത്തിയായ സജിനെയാണ്(17) ഇന്ന് രാവിലെ ആറ് മണിയോടെ മരിച്ച നിലയിൽ കണ്ടെത്തിയത്. ചന്ദ്രൻ- ഷീല ദമ്പതികളുടെ മകനായ സജിൻറെ മൃദദേഹം വീടിനു പുറകിലുള്ള മരത്തിൽ തൂങ്ങിയ നിലയിലായിരുന്നു കണ്ടെത്തിയത്. സംഭവത്തിൽ വിതുര പൊലീസ് കേസെടുത്ത് അന്വേഷണം ആരംഭിച്ചു. ആത്മഹത്യ എന്നാണ് പൊലീസിൻറെ പ്രാഥമിക നിഗമനം.

തൃശൂർ: എറവ് കപ്പൽ പള്ളിക്ക് സമീപം ആംബുലൻസും ഓട്ടോയും കൂട്ടിയിടിച്ച് ഓട്ടോ ഡ്രൈവർ മരിച്ചു. ചള്ളിങ്ങാട്ട് സ്വദേശി ജിത്തുവാണ് മരിച്ചത്. ജിത്തുവിന്റെ ഭാര്യ നീതു, മൂന്നരവയസുള്ള കുട്ടി, നീതുവിന്റെ അച്ഛൻ കണ്ണൻ എന്നിവരെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു.ഇന്ന് പുലർച്ചെ രണ്ടരയോടെയാണ് അപകടം. കുട്ടിയെ ആശുപത്രിൽ കാണിച്ചശേഷം ഓട്ടോയിൽ മടങ്ങുകയായിരുന്നു ജിത്തുവും കുടുംബവും. രോഗിയുമായി തൃശുർ ഭാഗത്തേക്ക് പോയ ആംബുലൻസുമായാണ് കൂട്ടിയിടിച്ചത്.

എറണാകുളം: കെ.കെ പത്മനാഭൻ റോഡ് കളത്തിൽഹൗസ് റിട്ട.പി.ഡബ്ലിയൂ.ഡി.എൻജിനീയർ ഫ്രാൻസിസ് ജെ കളത്തിൽ (89) നിര്യാതനായി. സംസ്‌കാരം 15ന് ഉച്ചകഴിഞ്ഞ് മൂന്നിന് സെന്റ് ഫ്രാൻസിസ് അസ്സീസ്സികത്തീഡ്രൽ സെമിത്തേരിയിൽ(സെമിത്തേരിമുക്ക്). ഭാര്യ: ലൂസി ഫ്രാൻസിസ് (റിട്ട. കെ.എസ്.ഇ.ബി) ചേരിയിൽ കുടുംബാഗം. മക്കൾ: സുനിൽ ജോസ്‌ കളത്തിൽ, അനിൽ ജോർജ്ജ്, അജിൽ ആന്റണി. മരുമക്കൾ: സുഹിത സുനിൽ ജോസ്(അവിട്ടംപിള്ളി ഹൗസ്, പോണെക്കര, ഇടപ്പിള്ളി), സ്മിത ഗ്രേസ്‌ ജോസഫ്(പുല്ലയിൽ ഹൗസ്, ചക്കരപ്പറമ്പ്), എലിസബത്ത് പോൾ(മേക്കുന്നേൽ,തൊടുപുഴ).

മുവാറ്റുപുഴ: വാഴക്കുളം വിശ്വജ്യോതി എഞ്ചിനീയറിംഗ് കോളേജിൽ സംഘടിപ്പിച്ച ആറാമത് ഫാ. തോമസ് മലേക്കൂടി എൻഡോവ്മെന്റ് ലക്ചർ സീരീസ്’ സംഘടിപ്പിച്ചു. എഡ്യുക്കേഷൻ ഫോർ സോഷ്യൽ ട്രാൻസ്ഫോമേഷൻ:ഇഷ്യു ആന്റ് ഇംപറേറ്റീവ്സെന്ന (വിദ്യാഭ്യാസം സാമൂഹിക പരിവർത്തനത്തിന്: പ്രശ്നങ്ങളും ആവശ്യകതയും) വിഷയത്തെ ആസ്പദമാക്കി ബാംഗ്ലൂർ സെന്റ് ജോൺസ് നാഷണൽ അക്കാദമി ഓഫ് ഹെൽത്ത് സയൻസ് ഡയറക്ടറും സി.ബി.ഐ മെഡിക്കൽ എഡ്യൂക്കേഷൻ സെക്രട്ടറിയുമായ റവ. ഡോ. പോൾ പാറത്താഴം ക്ലാസ് നയിച്ചു. കോളേജ് മാനേജർ മോൺ. ഡോ പയസ് മലേക്കണ്ടത്തിൽ അധ്യക്ഷത വഹിച്ചു. വൈസ് …

വിശ്വജ്യോതി എഞ്ചിനീയറിംഗ് കോളേജിലെ ഫാ.തോമസ് മലേക്കൂടി എൻഡോവ്മെന്റ് ലക്ചർ സീരീസ് സമാപിച്ചു. Read More »

കണ്ണൂർ: 61കാരന്റെ മൃതദേഹം ഏറാമല പഞ്ചായത്തിലെ തോട്ടുങ്ങലിലെ വീടിനുള്ളിൽ ജീർണിച്ചനിലയിൽ കണ്ടെത്തി. പരേതനായ കുഞ്ഞിരാമൻ അടിയോടിയുടെയും ജാനകിഅമ്മയുടെയും മകനായ ഊട്ടുകണ്ടി രാധാകൃഷ്ണൻ (61) ആണ് മരിച്ചത്. ഇദ്ദേഹം ചെന്നൈയിൽ ബിസിനസ് ചെയ്യുകയായിരുന്നു. കുറച്ചു നാളായി നാട്ടിൽ ഉണ്ടായിരുന്നു. ഫോണിൽ കിട്ടാത്തതിനെ തുടർന്ന് ചൊവ്വാഴച്ച വൈകുന്നേരം സഹോദരി വീട്ടിലെത്തിയപ്പോഴാണ് സംഭവം പുറത്തറിയുന്നത്. മൃതദേഹം ഇരുനില വീടിൻ്റ ഗോവണിക്ക് താഴെ മലർന്ന് കിടക്കുന്ന നിലയിലായിരുന്നു. മുറിയിലെ ഫൈബർ കസേരയുടെ കാലുകൾ തകർന്ന നിലയിലാണ്, തൊട്ടടുത്ത് കുറച്ച് കറൻസി നോട്ടുകളും ചിതറി …

വീടിനുള്ളിൽ ജീർണിച്ചനിലയിൽ 61കാരന്റെ മൃതദേഹം കണ്ടെത്തി Read More »

ബാലുശ്ശേരി: കോക്കല്ലൂരിൽ ടിപ്പർ ലോറി സ്‌കൂട്ടറിലിടിച്ചുണ്ടായ അപകടത്തിൽ പരിക്കേറ്റ് ചികിൽസയിലായിരുന്ന കോരങ്ങാട് വട്ടപ്പൊയിൽ അഖിൽ(32) മരിച്ചു. ബുധൻ രാവിലെ 6 മണിയോടെയാണ് മരണം. ഡിവൈഎഫ്ഐ താമരശ്ശേരി വട്ടക്കൊരു യൂണിറ്റ് സെക്രട്ടറിയും സിപിഐ എം വട്ടക്കൊരു ബ്രാഞ്ച് അംഗവുമാണ്. ചൊവ്വ ഭാര്യക്കൊപ്പം ബൈക്കിൽ സഞ്ചരിക്കവെ രാവിലെ ബാലുശ്ശേരിക്ക് സമീപം കോക്കല്ലൂരിൽ വെച്ചായിരുന്നു അപകടം. ഭാര്യ വിഷ്ണുപ്രിയ മൊടക്കല്ലൂർ ആശുപത്രിയിൽ ചികിൽസയിലാണ്. അഖിലിന്റെ മൃതദേഹം കോഴിക്കോട് മെഡിക്കൽ കോളേജിൽ സൂക്ഷിച്ചിരിക്കുകയാണ്.

തൃശൂർ‌: ട്യൂഷൻ കഴിഞ്ഞ് സെക്കിളിൽ വീട്ടിലേക്കു മടങ്ങുന്നതിനിടെ വിദ്യാർത്ഥിക്കു പിന്നാലെ തെരുവു നായയെത്തി. തുടർന്ന് രക്ഷപെടാൻ ശ്രമിക്കുന്നതിനിടെ സൈക്കിൾ പോസ്റ്ററിലിടിച്ച് മറിഞ്ഞ് അപകടം ഉണ്ടാവുകയായിരുന്നു. ചിയ്യാരം സ്വദേശിയായ എൻഫിനോയ്ക്കാണ് പരിക്കേറ്റത്. സുഹൃത്തും ഒപ്പമുണ്ടായിരുന്നു. വീഴ്ച്ചയിൽ എൻഫിനോയുടെ മുഖത്തിനും പരിക്കേറ്റു. മൂന്ന് പല്ലുകളും കൊഴിഞ്ഞിട്ടുണ്ട്. കുട്ടിയെ ആശുപത്രിയിൽ ചികിത്സയിൽ ആണ്.