തിരുവനന്തപുരത്ത് വീട്ടിലെത്തി യുവതിയെ പെട്രോളൊഴിച്ച് തീകൊളുത്തിയ ശേഷം യുവാവ് കിണറ്റിൽ ചാടി
തിരുവനന്തപുരം: ചെങ്കോട്ടുകോണത്ത് യുവതിയെ പെട്രോളൊഴിച്ച് തീകൊളുത്തിയ ശേഷം യുവാവ് കിണറ്റിൽ ചാടി. ചെങ്കോട്ടുകോണം സ്വദേശിനി ജി സരിതയെയാണ്(46) പൗഡിക്കോണം ചെല്ലമംഗലം സ്വദേശി ബിനു(50) വീട്ടിലെത്തി ആക്രമിച്ചത്. ഇരുവർക്കും ഗുരുതരമായി പൊള്ളലേറ്റു. ഇന്നലെ രാത്രി എട്ടു മണിയോടെ സരിതയുടെ വീട്ടിലെത്തിയ ബിനു വാക്കുതര്ക്കത്തിനൊടുവില് സ്കൂട്ടറില് കരുതിയിരുന്ന കന്നാസില് നിന്ന് സരിതയുടെ ദേഹത്തേക്ക് പെട്രോളൊഴിച്ച് തീകൊളുത്തുക ആയിരുന്നു. ഇതിനിടെ, സരിതയുടെ മകളുടെ നിലവിളി കേട്ടെത്തിയ നാട്ടുകാരാണ് ഇവരെ ആശുപത്രിയിലെത്തിച്ചത്. 60 ശതമാനം പൊള്ളലേറ്റ യുവതിയുടെ നില ഗുരുതരമാണ്.
