All Categories

Uploaded at 1 month ago | Date: 31/07/2021 15:26:02

പാരിപ്പള്ളിയില്‍ റോഡരുകിലിരുന്ന് കച്ചവടം ചെയ്ത വയോധികയുടെ മീൻകുട്ട തട്ടിത്തെറിപ്പിച്ച സംഭവത്തിലെ വീഡിയോ ആസൂത്രിതമാണെന്ന പൊലീസിന്റെ ന്യായീകരണത്തില്‍ കടുത്ത വിമർശനവുമായി അഡ്വ. ഹരീഷ് വാസുദേവന്‍. അതിദാരിദ്രത്തില്‍ കഴിയുന്ന ഒരു വൃദ്ധ ആയിരത്തോളം രൂപയുടെ മീന്‍ വാങ്ങി നിലത്തുതട്ടി, കരഞ്ഞ് അഭിനയിച്ചെന്ന് എഴുതി വിടുന്നവരുടെ ‘കെെ പുഴുത്തുപോകുമെന്നായിരുന്നു’ ഹരീഷ് വാസുദേവന്റെ വിമർശനം.

ഇത്തരമൊരു ന്യായീകരണത്തിന് മുന്‍പ് എന്ത് അന്വേഷണമാണ് നടത്തിയതെന്ന് അറിയാന്‍ ആർടിഐ അപേക്ഷ നല്‍കുമെന്നും അന്വേഷണം നടന്നില്ലെന്ന് കണ്ടെത്തിയാല്‍ കേരള പൊലീസിന്റെ സോഷ്യല്‍ മീഡിയ പേജിന്റെ അക്കൗണ്ടബിലിറ്റി നിയമപരമായി ചോദ്യം ചെയ്യുമെന്നും ഹരീഷ് വാസുദേവന്‍ അറിയിച്ചു.

ഡി കാറ്റഗറി മേഖലയായ പ്രദേശത്ത് കച്ചവടങ്ങള്‍ക്ക് നിരോധനം ഏർപ്പെടുത്തിയിരുന്നെന്നും അത് ലംഘിച്ച് ചിലർ കച്ചവടം നടത്തിയത് തടയാനാണ് പൊലീസ് ശ്രമിച്ചതെന്നായിരുന്നു പൊലീസിന്റെ വിശദീകരണം. നടപടി സ്വീകരിച്ച പൊലീസിനെതിരെ ഉപയോഗിക്കാന്‍ ആസൂത്രിതമായി ചിത്രീകരിച്ചതാണ് വീഡിയോ എന്നാണ് ആരോപണം.

 

ഹരീഷ് വാസുദേവന്റെ കുറിപ്പ്:

പിന്നെയും പട്ടിക്ക് മുറുമുറുപ്പ്

കേരളാ പൊലീസിലെ ഏതോ ക്രിമിനല്‍, മേരിയെന്ന പാവം സ്ത്രീയുടെ ആകെയുള്ള ജീവനോപാധി നശിപ്പിച്ച വിഷയം സോഷ്യല്‍ മീഡിയ ഏറ്റെടുത്തപ്പോള്‍ പോലീസിന്റെ പേജിലും നാട്ടുകാര്‍ പ്രതികരിച്ചു. (ലോക്ഡൗണായത് നന്നായി, ഇല്ലെങ്കില്‍ നാട്ടുകാരുടെ കൈത്തരിപ്പ് പോലീസിലെ ആ ക്രിമിനല്‍ നേരിട്ടറിഞ്ഞേനെ.) ഇതുവരെ ഇത് യൂണിഫോമിന്റെ ബലത്തില്‍ ഒരാള്‍ ചെയ്ത കുറ്റമേ ആകുന്നുള്ളൂ. എന്നെയടക്കം പേജില്‍ ബ്ലോക്കി.

ഇപ്പോള്‍ ഒഫീഷ്യല്‍ പേജില്‍ ന്യായീകരണം വന്നിട്ടുണ്ട്. അതായത് ക്രൈം ഒരാളില്‍ നിന്ന് പോലീസ് സേന ഔദ്യോഗികമായി ഏറ്റെടുത്തു. ഇപ്പോള്‍ മുതല്‍ ഇത് കേരളാ പോലീസും ജനങ്ങളും തമ്മിലുള്ള പ്രശ്‌നമാണ്.

സംഗതി വസ്തുതാവിരുദ്ധമാണ് എന്നാണ് ന്യായീകരണം. പോലീസ് നിയമനടപടി സ്വീകരിച്ചപ്പോള്‍ ആസൂത്രിതമായി ചിത്രീകരിച്ച വീഡിയോ ആണത്രേ ചിത്രീകരിക്കാനായി മേരിചേച്ചീ ആയിരക്കണക്കിന് രൂപയുടെ മീന്‍ വാങ്ങി നിലത്ത് കൊണ്ടു തട്ടിയോ?? എന്നിട്ട് കരഞ്ഞുകൊണ്ട് അഭിനയിച്ചോ?

ആ കരച്ചില്‍ കണ്ടു കണ്ണ് നിറഞ്ഞവരില്‍ എന്നെപ്പോലെ ആയിരക്കണക്കിന് മനുഷ്യരുണ്ട്.
ഇത്രയും നന്നായി അഭിനയിക്കുമെങ്കില്‍ മേരിചേച്ചിക്ക് മീന്‍ വില്‍ക്കാന്‍ പോകേണ്ടല്ലോ, അഭിനയിക്കാന്‍ പോയാല്‍ പോരേ?

kerala

SHARE THIS ARTICLE

timely Advertise
...
...
...
...
...
...

advertisment .....

en24tv advertisment
en24tv advertisment
en24tv advertisment
 

copyrights © 2019 Timely News   All rights reserved.