All Categories

Uploaded at 2 weeks ago | Date: 05/10/2021 20:04:34

കൊച്ചി: സാമ്പത്തിക-പുരാവസ്തു തട്ടിപ്പ് കേസിൽ അറസ്റ്റിലായ മോന്‍സണ്‍ മാവുങ്കലിനെ വീണ്ടും ക്രൈംബ്രാഞ്ച് കസ്റ്റഡിയില്‍വിട്ടു. വയനാട് എസ്റ്റേറ്റ് തട്ടിപ്പ് കേസിലാണ് മോന്‍സണെ ഒക്ടോബര്‍ ഏഴ് വരെ കസ്റ്റഡിയില്‍വിട്ടത്. മോൻസന്‍റെ സാമ്പത്തിക ക്രമക്കേടിൽ അടക്കം വിശദമായി ചോദ്യംചെയ്യണമെന്ന പ്രോസിക്യൂഷന്‍ ആവശ്യം അംഗീകരിച്ചാണ് കോടതി കസ്റ്റഡി അനുവദിച്ചത്.

മോന്‍സണ്‍ മാവുങ്കലിന്‍റെ സാമ്പത്തിക ഇടപാടുകള്‍ ദുരൂഹമാണെന്നും മറ്റുള്ളവരുടെ ബാങ്ക് അക്കൗണ്ടുകള്‍ ഉപയോഗിച്ചാണ് പണമിടപാട് നടത്തിയതെന്നും ക്രൈംബ്രാഞ്ച് സംഘം കോടതിയെ അറിയിച്ചു. ഇതിന്‍റെ വിശദാംശങ്ങള്‍ കണ്ടെത്തേണ്ടതുണ്ടെന്നും അന്വേഷണസംഘം പറഞ്ഞു. ഇതെല്ലാം അംഗീകരിച്ചാണ് മോന്‍സണെ വ്യാഴാഴ്ച വരെ കസ്റ്റഡിയില്‍ വിട്ട് ഉത്തരവിട്ടത്.

ക്രൈംബ്രാഞ്ചിന്‍റെ എറണാകുളം യൂണിറ്റ് രണ്ട് കേസുകളാണ് മോന്‍സണെതിരേ രജിസ്റ്റര്‍ ചെയ്തിട്ടുള്ളത്. ഈ കേസുകളിലെ ചോദ്യംചെയ്യല്‍ പൂര്‍ത്തിയാക്കിയശേഷം ക്രൈംബ്രാഞ്ചിന്‍റെ തിരുവനന്തപുരം യൂണിറ്റും പ്രതിയെ കസ്റ്റഡിയില്‍ വാങ്ങും. വിവിധ സാമ്പത്തിക തട്ടിപ്പുകളുമായി ബന്ധപ്പെട്ട് നിലവിൽ ആറോളം കേസുകളാണ് മോൻസനെതിരെയുള്ളത്.

kerala

SHARE THIS ARTICLE

timely Advertise
...
...
...
...
...
...

advertisment .....

en24tv advertisment
en24tv advertisment
en24tv advertisment
 

copyrights © 2019 Timely News   All rights reserved.