ചിന്നക്കനാൽ: 80 ഏക്കറിൽ തൊഴിലാളികളുമായി വന്ന ജീപ്പിനു നേരെ ചക്കക്കൊമ്പന്റെ ആക്രമണം. തൊഴിലാളികളെ തോട്ടത്തിൽ ഇറക്കി മടങ്ങുമ്പോൾ ആയിരുന്നു സംഭവം നടന്നത്. ഡ്രൈവർ ആനയെ കണ്ടു ഓടി രക്ഷപെട്ടു. കൊല്ലം അച്ചൻകോവിൽ കുഴിഭാഗത്തെ ജനവാസ മേഖലയിലും കാട്ടാനയിറങ്ങി. തുടർന്ന് ആനയെ നാട്ടുകാർ ബഹളം വെച്ച് കാട്ടിലേക്ക് തിരിച്ചയക്കുകയായിരുന്നു. ഇടുക്കിയിലെ ശല്യക്കാരനായ അരിക്കൊമ്പനെ ഉടൻ മയക്കു വെടിവച്ച് പിടികൂടും. ഇതിനായി ഇടുക്കിയിൽ ഈ ആഴ്ചയിൽ തന്നെ വയനാട്ടിൽ നിന്നുള്ള പ്രത്യേക സംഘമെത്തും.
ഇടുക്കിയിൽ വീണ്ടും ചക്കക്കൊമ്പൻ ഇറങ്ങി; തൊഴിലാളികളുമായി വന്ന വാഹനം ആന ആക്രമിച്ചു
