തൊടുപുഴ: എ.കെ.പി.എ തൊടുപുഴ ടൗൺ യൂണിറ്റ് കമ്മിറ്റി ഓഫീസിൻ്റെ ഉദ്ഘാടനവും അൽ അസ്ഹർ ഹോസ്‌പിറ്റലുമായി ചേർന്ന് നടത്തുന്ന സൗജന്യ മെഡിക്കൽ ക്യാമ്പും ഫെബ്രുവരി 20ന്(വെള്ളിയാഴ്‌ച) രാവിലെ 9.30ന് എവർഷൈൻ സ്റ്റുഡിയോ അങ്കണത്തിൽ നടക്കും. തൊടുപുഴ നഗരസഭ വൈസ് ചെയർമാൻ കെ ദീപക് ഓഫീസ് ഉദ്ഘാടനം നിർവ്വഹിക്കും. എ.കെ.പി.എ ജില്ലാ സെക്രട്ടറി സുനിൽ കളർഗേറ്റ് മെഡിക്കൽ ക്യാമ്പ് ഉദ്ഘാടനം ചെയ്യും.
യോഗത്തിൽ എ.കെ.പി.എ തൊടുപുഴ യൂണിറ്റ് പ്രസിഡൻ്റ് ജോസ് ജെ ആലപ്പാട്ട് അധ്യക്ഷത വഹിക്കും. എ.കെ.പി.എ മേഖല പ്രസിഡൻ്റ് അലി പെരുനിലം മുഖ്യപ്രഭാഷണം നടത്തും. എ.കെ.പി.എ സംസ്ഥാന – ജില്ല – മേഖല – യൂണിറ്റ് നേതാക്കൾ, നഗരസഭ മെമ്പർമാർ രാഷ്ട്രിയ സാമൂഹ്യ സാംസ്കാരിക നേതാക്കാൾ എന്നിവർ പങ്കെടുക്കും.
