മുഖ്യമന്ത്രി ഓൾ ഇന്ത്യാ റേഡിയോ ആണെന്ന് പ്രതിപക്ഷ നേതാവ് വി.ഡി സതീശൻ

എറണാകുളം: മുഖ്യമന്ത്രി ഓൾ ഇന്ത്യാ റേഡിയോ ആണെന്ന് പ്രതിപക്ഷ നേതാവ് വി.ഡി സതീശൻ. അദ്ദേഹം ചോദ്യങ്ങൾക്ക് ഉത്തരം തരാറില്ലെന്നും ഇങ്ങോട് മാത്രം പറഞ്ഞുകൊണ്ടിരിക്കുകയാണ് ചെയ്യുന്നതെന്നും വി.ഡി സതീശൻ പരിഹസിച്ചു. മുഖ്യമന്ത്രിയോട് ഒരു വ്യക്തി ചോദ്യം ചോദിച്ചപ്പോൾ അതിന് മറുപടി കൊടുക്കാതിരിക്കുകയും തൻ്റെ വീട്ടിൽ പോയി ചോദിക്കാൻ പറയുകയും ചെയ്തു. ഇടതുപക്ഷത്തിൻ്റെ ദുഷ് ചെയ്തികൾക്ക് ജനങ്ങൾ തെരുവിലിറങ്ങിയാകും ചോദ്യങ്ങൾ ഉയർത്തുന്നതെന്നും വി.ഡി സതീശൻ കൂട്ടിച്ചേർത്തു. പെരുമ്പാവൂരിൽ മാധ്യമങ്ങളെ കണ്ട് സംസാരിക്കുകയായിരുന്നു അദ്ദേഹം.