തിരുവനന്തപുരം: സംസ്ഥാനത്ത് ഇന്ന് എ.ഐ ക്യാമറ വഴി കണ്ടെത്തിയത് 28,891 നിയമലംഘനങ്ങൾ. എ ഐ ക്യാമറ പ്രവർത്തനം ആരംഭിച്ച ആദ്യ 9 മണിക്കൂറിലെ കണക്കുകൾ പ്രകാരം ഏറ്റവും കൂടുതൽ നിയമലംഘനങ്ങൾ കൊല്ലം ജില്ലയിലാണ് കണ്ടെത്തിയത്.
രാവിലെ 8 മണി മുതൽ വൈകീട്ട് 5 വരെയുള്ള കണക്ക് പ്രകാരം 4778 നിയമലംഘനങ്ങളാണ് ഇവിടെ കണ്ടെത്തിയത്. ഏറ്റവും കുറവ് നിയമലംഘനങ്ങൾ മലപ്പുറം ജില്ലയിലാണ്.
ഇവിടെ 545 നിയമലംഘനങ്ങളാണ് 5 മണിവരെ കണ്ടെത്തിയിട്ടുള്ളത്. ഇന്ന് കണ്ടെത്തിയ നിയമലംഘനങ്ങൾക്ക് നാളെ മുതൽ നോട്ടീസ് അയക്കുമെന്ന് അധികൃതർ വ്യക്തമാക്കി.
