കൊച്ചി: നടിയും താരസംഘടനയായ അമ്മയുടെ പ്രസിഡൻറുമായ ശ്വേത മേനോനെതിരായ ക്രിമിനൽ കേസ് റദ്ദാക്കി ഹൈക്കോടതി. അശ്ലീല സിനിമകളിൽ അഭിനയിച്ചു എന്നും ദൃശ്യങ്ങൾ പ്രചരിപ്പിച്ചു എന്നുമുള്ള പരാതിയിൽ സെൻട്രൽ പൊലീസെടുത്ത കേസാണ് കോടതി റദ്ദാക്കിയത്. എഫ്ഐആറിൽ പറഞ്ഞ വകുപ്പുകൾ നില നിൽക്കില്ലെന്നും പരാതിക്കാരൻ ഗൂഢലക്ഷ്യത്തോടെയും വ്യക്തി വൈരാഗ്യത്തിൻറേയും പേരിൽ ആണ് കേസ് നൽകിയത് എന്നും കോടതി കണ്ടെത്തുകയായിരുന്നു. അമ്മ സംഘടനയുടെ തെരഞ്ഞെടുപ്പിന് തൊട്ടു മുൻപ് കൊടുത്ത പരാതി ദുരുദ്ദേശപരമാണെന്നും നിരീക്ഷിച്ച കോടതി കേസ് റദ്ദാക്കുകയായിരുന്നു.
അശ്ലീല സിനിമകളിൽ അഭിനയിച്ചുവെന്ന് ആരോപിച്ച് നടി ശ്വേത മേനോനെതിരായി നൽകിയ ക്രിമിനൽ കേസ് റദ്ദാക്കി; വ്യക്തി വൈരാഗ്യത്തിന്റെ പേരിൽ ആണ് കേസ് നൽകിയത് എന്നും കോടതി
