മാട്രിമോണിയൽ സൈറ്റ് വഴി പരിചയപ്പെട്ട യുവതിയെ വിവാഹ വാഗ്ദാനം നൽകി പീഡിപ്പിച്ച വടകര സ്വദേശിക്ക് എതിരെ കേസ് രജിസ്റ്റർ ചെയ്തു

കാസർഗോഡ്: മാട്രിമോണിയൽ സൈറ്റ് വഴി പരിചയപ്പെട്ട യുവതിയെ പീഡിപ്പിക്കുകയും പണം തട്ടുകയും ചെയ്തതായി പരാതിയിൽ കേസെടുത്ത് പൊലീസ്. വടകര സ്വദേശിയായ മുഹമ്മദ് ഷമ്മാസ് എന്ന 32 കാരനെതിരേയാണ് വിദ്യാനഗർ പൊലീസ് കേസ് രജിസ്റ്റർ ചെയ്തത്. മാട്രിമോണിയൽ സൈറ്റ് വഴി പരിചയപ്പെട്ട യുവതിയെ വിവാഹവാഗ്ദാനം നൽകി പീഡിപ്പിക്കുകയും എട്ടരലക്ഷം രൂപ തട്ടിയെടുക്കുകയും ചെയ്തു. പിന്നാലെ ബന്ധത്തിൽ നിന്ന് ഇയാൾ ഒഴിഞ്ഞുമാറുകയായിരുന്നെന്ന് പരാതിയിൽ യുവതി പറയുന്നു. കേസിൽ പൊലീസ് അന്വേഷണം നടത്തി വരികയാണ്.