തൊടുപുഴ: കേരള കോണ്ഗ്രസ് ചെയര്മാന് പി.ജെ.ജോസഫിന്റെ ഭാര്യ ഡോ.ശാന്ത ജോസഫ് (73) അന്തരിച്ചു. തൊടുപുഴ ചാഴികാട്ട് ആശുപത്രിയിലാണ് അന്ത്യം. അര്ബുദ ബാധിതയായി ചികിത്സയിലായിരുന്നു.
ആരോഗ്യ വകുപ്പ് അഡീഷനല് ഡയറക്ടറായാണ് ഡോ. ശാന്ത വിരമിച്ചത്. പുറപ്പുഴ സെന്റ് സെബാസ്റ്റ്യന്സ് പള്ളിയില്വച്ച് 1971 സെപ്റ്റംബര് 15ന് ആയിരുന്നു ശാന്തയും പി.ജെ.ജോസഫും തമ്മിലുള്ള വിവാഹം.
മക്കള്: അപു (കേരള കോണ്ഗ്രസ് സംസ്ഥാന സ്റ്റിയറിങ് കമ്മിറ്റിയംഗം), യമുന, ആന്റണി, പരേതനായ ജോമോന് ജോസഫ്. മരുമക്കള്: അനു (അസോഷ്യേറ്റ് പ്രഫസര്, വിശ്വ ജ്യോതി എന്ജിനീയറിങ് കോളജ്, വാഴക്കുളം), ഡോ. ജോ (മൗണ്ട് സീയോണ് മെഡിക്കല് കോളജ്, കോഴഞ്ചേരി), ഉഷ.
