ന്യൂഡൽഹി: യുവ ബാറ്റിങ്ങ് സെൻസേഷൻ വൈഭവ് സൂര്യവംശിയെ ഇപ്പോൾ ഇന്ത്യൻ ടീമിലെടുക്കേണ്ടെന്ന് ഐതിഹാസിക താരം രവിചന്ദ്രൻ അശ്വിൻ. വൈഭവ് ഇപ്പോഴും കുട്ടിയാണെന്നും ഇന്ത്യൻ ടീമിലെടുക്കാനുള്ള സമയമായിട്ടില്ലെന്നുമാണ് അശ്വിൻ പറയുന്നത്. വലിയഭാരം വൈഭവിന് നൽകരുതെന്നും അൽപ്പ സമയം കൂടി കാത്തിരിക്കുന്നതാണ് നല്ലതെന്നും അശ്വിൻ പറഞ്ഞു. നേരത്തെ വൈഭവിനെ ടീമിലെടുക്കണമെന്ന് ആവശ്യപ്പെട്ട് മുൻ ഇന്ത്യൻ താരമായ മുഹമ്മദ് കൈഫ് രംഗത്തെത്തിയിരുന്നു. ഐപിഎല്ലിൽ ഇക്കഴിഞ്ഞ മത്സരത്തിൽ ചെന്നൈ സൂപ്പർ കിങ്സിനെതിരേ ഓപ്പണിങ്ങിറങ്ങി 17 പന്തിൽ 52 റൺസ് വൈഭവ് അടിച്ചെടുത്തിരുന്നു. വെറും 15 ആം വയസിലാണ് വൈഭവ് ലോകോത്തര ബൗളർമാർക്കെതിരേ തകർപ്പൻ പ്രകടനം പുറത്തെടുത്തത്. ഐപിഎല്ലിനു ശേഷം സിംബാബ്വെയ്ക്കെതിരേ ടി20 പരമ്പരയുണ്ട്. അതിൽ വൈഭവിന് അവസരം ലഭിക്കുമോയെന്നാണ് ഏവരും ഉറ്റുനോക്കുന്നത്.
വൈഭവ് സൂര്യവംശിയെ ഇന്ത്യൻ ടീമിലെടുക്കാനുള്ള സമയമായിട്ടില്ലെന്ന് രവിചന്ദ്രൻ അശ്വിൻ
