തിരുവനന്തപുരം : ഇ പി ജയരാജനെതിരെ അനധികൃത സ്വത്ത് സമ്പാദന ആരോപണമുന്നയിച്ചതിന് പിന്നാലെ പി ജയരാജനെതിരെ സിപിഎമ്മിൽ പരാതി പ്രളയം. കണ്ണൂര് കേന്ദ്രീകരിച്ചുള്ള സ്വര്ണക്കടത്ത്-ക്വട്ടേഷന് സംഘങ്ങളുമായി ബന്ധം, തെരഞ്ഞെടുപ്പ് ഫണ്ട് വെട്ടിച്ചു തുടങ്ങിയ ആരോപണങ്ങളാണ് പി ജയരാജനെതിരായ പരാതിയില് ഉള്ളത്.
പേര് വച്ചും, പേര് വയ്ക്കാതെയുമുള്ള പരാതികള് ഇക്കൂട്ടത്തിലുണ്ട്. കണ്ണൂർ കേന്ദ്രീകരിച്ചുള്ള സ്വർണ്ണക്കടത്ത് ക്വട്ടേഷൻ സംഘവുമായി പി ജയരാജന് ബന്ധമുണ്ടെന്നും ഇതിൽ പാർട്ടി അന്വേഷണം വേണമെന്നുമാണ് പ്രധാന ആവശ്യം.
ഇ പി ജയരാജനെ അനുകൂലിക്കുന്ന പാര്ട്ടി പ്രവര്ത്തകരാണ് പരാതി നല്കിയതിന് പിന്നിലെന്നാണ് റിപ്പോര്ട്ടുകള്. സാമ്പത്തിക ആരോപണവും പി. ജയരാജനെതിരെ ഉയരുന്നുണ്ട്. തെരഞ്ഞെടുപ്പ് ഫണ്ടിനായി പിരിച്ച തുക മുഴുവൻ പാർട്ടിക്ക് അടച്ചില്ലെന്നാണ് പരാതി. സംസ്ഥാനത്തിന്റെ വിവിധ സ്ഥലങ്ങളിൽ നിന്നുള്ള പാർട്ടി പ്രവർത്തകരാണ് ജയരാജനെതിരെ പരാതി നൽകിയിരിക്കുന്നത്.