സ്വർണ വിലയിൽ വീണ്ടും ഇടിവ്

കൊച്ചി: സംസ്ഥാനത്ത് സ്വർണവിലയിൽ വീണ്ടും ഇടിവ്. പവന് 6,640 രൂപയുടെ കുറവാണ് തിങ്കളാഴ്ച രേഖപ്പെടുത്തിയത്. ഇതോടെ സ്വർണവില പവന് 1,11,120 രൂപയിലെത്തി. ഗ്രാമിന് 830 രൂപ കുറഞ്ഞ് 13,890 രൂപയാണ് വില. വ്യാഴാഴ്ച 1.3 ലക്ഷത്തിലെത്തിയ സ്വർണവില പിന്നീട് ഇടിയുകയായിരുന്നു. മൂന്നു ദിവസത്തിനിടെ 20,040 രൂപയുടെ ഇടിവ് സ്വർണ വിലയിലുണ്ടായത്. രാജ്യാന്തര വിലയിലുള്ള ഇടിവാണ് ആഭ്യന്തര വിപണിയിലും പ്രതിഫലിച്ചത്.