വാഴക്കുളം: മലയാള കലാകാരന്മാരുടെ ദേശീയ സംഘടന നന്മ വാഴക്കുളം മേഖലയുടെ നേതൃത്വത്തിൽ വനിതാ ദിനാചരണത്തോടനുബന്ധിച്ച് കലാകാരികളെ അനുമോദിച്ചു. ചലച്ചിത്ര മേക്കപ്പ് ആർട്ടിസ്റ്റ് ബീന ജോഷി, അഭിനേത്രിമാരായ ലിസി ജോണി, മോളി ജോസഫ് എന്നിവരെയാണ് അനുമോദിച്ചത്. മേഖല രക്ഷാധികാരി ഈണം ജോസ്, സംസ്ഥാന കമ്മറ്റിയംഗം റെബി ജോസ്, മേഖല പ്രസിഡൻ്റ് രഞ്ജിത് ജോർജ് എന്നിവർ പൊന്നാടയണിയിച്ച് ആദരിച്ചു. സെക്രട്ടറി ജോയെൽ നെല്ലിക്കുന്നേൽ, വൈസ് പ്രസിഡൻ്റ് റഷീദ് മുഹമ്മദ്, ജോയിൻ്റ് സെക്രട്ടറി മരീന ഷാജൻ തുടങ്ങിയവർ പ്രസംഗിച്ചു.
വനിതാ ദിനത്തിൽ കലാകാരികളെ ആദരിച്ച് നന്മ
