ഒറ്റക്കൽ എൽ.ഡി.എഫ് പിടിച്ചെടുത്തു

കൊല്ലം: തെന്മല പഞ്ചായത്തിലെ ഒറ്റക്കൽ അഞ്ചാം വാർഡ് എൽ.ഡി.എഫ് യു.ഡി.എഫിൽനിന്ന് പിടിച്ചെടുത്തു. എൽ.ഡി.എഫ്‌ സ്ഥാനാർഥി എസ്.അനുപമയാണ് വിജയിച്ചത്. യു.ഡി.എഫ് അംഗമായിരുന്ന ചന്ദ്രിക സെബാസ്റ്റ്യന്റെ നിര്യാണത്തെ തുടർന്നാണ്‌ ഉപതെരഞ്ഞെടുപ്പ് വേണ്ടി വന്നത്. യു.ഡി.എഫ് സ്ഥാനാർഥി ബിജിലി ജെയിംസിനെ 34 വോട്ടിനാണ് തോൽപ്പിച്ചത്. ബി.ജെ.പി സ്ഥാനാർഥിയായി ആശാംബികയും മത്സരിച്ചിരുന്നു. അനുപമയ്ക്ക് 561 വോട്ടും ബിജിലി ജെയിംസിന് 527 വോട്ടും ലഭിച്ചു.