ചന്ദ്രയാൻ -3 കൗണ്ട് ഡൗൺ ശബ്ദം നൽകിയ ശാസ്ത്രജ്ഞ അന്തരിച്ചു

ബാംഗ്ലൂർ: ചന്ദ്രയാൻ -3 അടക്കം ഇസ്രൊയുടെ നിരവധി ദൗത്യങ്ങളുടെ കൗണ്ട് ഡൗണുകൾക്ക് ശബ്ദം നൽകിയ ശാസ്ത്രജ്ഞ എൻ. വളർമതി അന്തരിച്ചു. ഹൃദയാഘാതത്തെത്തുടർന്ന് ശനിയാഴ്ച ഇവരെ ചെന്നൈയിലെ ആശുപത്രിയിൽ പ്രവേശിപ്പിച്ചെങ്കിലും മരണപ്പെട്ടതായി സ്ഥിരീകരിക്കുകയായിരുന്നു. വളർമതിയുടെ കൗണ്ട് ഡൗൺ അസൈൻമെൻറുകളിൽ ഏറ്റവും അവസാനത്തേതായിരുന്നു ചന്ദ്രയാൻ3. കേന്ദ്ര മന്ത്രി രാജീവ് ചന്ദ്രശേഖർ, ഇസ്രൊ മുൻ ഡയറക്റ്റർ ഡോ. പി.വി. വെങ്കിട്ട കൃഷ്ണൻ എന്നിവർ അനുശോചനം രേഖപ്പെടുത്തി.