വിദ്യാർഥിനികളെ ഹോസ്റ്റലിൽ വസ്ത്രം മാറ്റിച്ച സംഭവം; അടിയന്തര റിപ്പോർട്ട് തേടി മന്ത്രി

തിരുവനന്തപുരം: ഷാളയൂർ പ്രീ മെട്രിക് ഹോസ്റ്റലിനെതിരെ സമർപ്പിച്ച പരാതി സംബന്ധിച്ച് മന്ത്രി കെ.രാധാകൃഷ്ണൻ അടിയന്തര റിപ്പോർട്ട് തേടി. വനിതാ വിദ്യാർഥികളുടെ ഹോസ്റ്റലിൽ വസ്ത്രം മാറ്റിച്ചെന്ന പരാതിയിലാണ് റിപ്പോർട്ട് നൽകാൻ പട്ടിക വർഗ വികസന ഡയറക്ടറോട് ആവശ്യപ്പെട്ടത്. ആദിവാസി വിദ്യാർഥിനികളെ മറ്റുള്ള വിദ്യാർഥികളുടെ മുമ്പിൽവെച്ച് വസ്ത്രം അഴിപ്പിക്കുകയായിരുന്നു. ഹോസ്റ്റലിലെ നാല് ജീവനക്കാർക്കെതിരെ ഷോളയൂർ പൊലീസ് കേസെടുത്തു. കഴിഞ്ഞ വെള്ളിയാഴ്ചയാണ് സംഭവം.