കൊച്ചി: ഇന്ത്യൻ അധികാരിവർഗ്ഗം ഒരിക്കൽ ലോക്കപ്പിലിട്ട് തീർക്കാൻ ശ്രമിച്ച പൊതുപ്രവർത്തകനാണ് പിണറായി വിജയനെന്നും അദ്ദേഹത്തോടുള്ള അസഹിഷ്ണുത പടർത്താൻ മഹാനായ എം.ടിയെ ഉപകരണമാക്കിയത് തികഞ്ഞ മര്യാദകേടാണെന്നും പുരോഗമന കലാസാഹിത്യസംഘം ജനറൽ സെക്രട്ടറി അശോകൻ ചരുവിൽ.
ഇന്നലെത്തന്നെ എം.ടി തൻ്റെ പ്രസംഗം തെറ്റായി വ്യാഖ്യാനിക്കുന്നതിനെതിരെ രംഗത്തുവന്നു. ഒരു മുതിർന്ന എഴുത്തുകാരന് തൻ്റെ പ്രസംഗത്തിൻ്റെ സത്യാവസ്ഥ എന്തെന്ന് വിശദീകരിക്കേണ്ടി വന്നു എന്നത് മലയാളിയെന്ന നിലക്ക് നമുക്ക് അപമാനമാണെന്നും അശോകൻ ചരുവിൽ ഫേസ് ബുക്ക് പോസ്റ്റിൽ പറഞ്ഞു.
