അജ്മേറിൽ കേരള പൊലീസിന് നേരെ വെടിവയ്പ്പ്

അജ്മേർ: രാജസ്ഥാനിലെ അജ്മേറിൽ കേരള പൊലീസിന് നേരെ വെടിവയ്പ്പ്. സ്വർണ മോഷണ സംഘത്തെ പിടികൂടാനായി കൊച്ചിയിൽ നിന്ന് അജ്മേറിലെത്തി സംഘത്തിന് നേരെയാണ് വെടിവയ്പ്പ് ഉണ്ടായത്. ആർക്കും പരിക്കില്ലെന്നാണ് വിവരം. സംഭവവുമായി ബന്ധപ്പെട്ട് ഉത്തരാഖണ്ഡുകാരായ ഷെഹ്സാദ്, സാജിദ് എന്നിവരെ പൊലീസ് പിടികൂടി. ഇവരിൽ നിന്ന് രണ്ട് കള്ളത്തോക്കുകളും പിടിച്ചെടുത്തു.