കോഴിക്കോട്: പാർട്ടി പ്രവർത്തനത്തിൽ സജീവമാകാനില്ലെന്ന് ആവർത്തിച്ച് കോൺഗ്രസ് നേതാവ് കെ മുരളീധരൻ. വയനാട്ടിലടക്കം ലോകസഭാ ഉപതെരഞ്ഞെടുപ്പിൽ മത്സരിക്കാനില്ല. കെപിസിസി പ്രസിഡന്റ് പദവിയുൾപ്പെടെ പാർടിസ്ഥാനങ്ങളൊന്നും സ്വീകരിക്കില്ല. തദ്ദേശ തെരഞ്ഞെടുപ്പുവരെ പാർട്ടി പ്രവർത്തനത്തിൽ നിന്ന് വിട്ടു നിൽക്കാനുള്ള തീരുമാനത്തിൽ മാറ്റമില്ലെന്നും മുരളീധരൻ വാർത്താ ലേഖകരോട് പറഞ്ഞു.