ആലപ്പുഴ: കായംകുളത്ത് മദ്യലഹരിയില്‍ ജേഷ്ഠൻ അനിയനെ കുത്തിക്കൊന്നു. രണ്ടാംകുറ്റി ദേശത്തിനകം ലക്ഷം വീട് കോളനിയിൽ സാദിഖാണ്‌(38) മരിച്ചത്. തിങ്കളാഴ്ച രാത്രി ഒമ്പതിനായിരുന്നു സംഭവം.
മദ്യപിച്ചെത്തിയ ഷാജഹാനും സഹോദരന്‍ സാദിഖും തമ്മില്‍ ആദ്യം വാക്കേറ്റമുണ്ടായി. പിന്നീട് പ്രകോപിതനായ ഷാജഹാൻ അനിയനെ കത്തി കൊണ്ട് കുത്തുകയായിരുന്നു.
ആക്രമത്തിൽ ഗുരുതരമായി പരുക്കേറ്റ സാദിഖിനെ ആലപ്പുഴ മെഡിക്കൽ കോളെജിൽ പ്രവേശിപ്പിച്ചെങ്കിലും ചികിത്സയിലിരിക്കെ ചൊവ്വഴ്ച പുലർച്ചെയോടെ മരിച്ചു. ഷാജഹാനെ അറസ്റ്റു ചെയ്തതായും ഇയാളെ ചോദ്യം ചെയ്തുവരികായണെന്നും പൊലീസ് അറിയിച്ചു.
