മേപ്പാടി: വയനാട് മുണ്ടകൈയിലെ ഉരുൾപൊട്ടലിൽപെട്ട് ചെളിയിൽ പുതിഞ്ഞ നിലയിൽ ഒരാളെ കണ്ടെത്തി. ഇയാളെ രക്ഷിക്കാനുള്ള ശ്രമങ്ങൾ നടത്തുക ആണ്.
ചെളിയിൽ പുതിഞ്ഞ് കിടക്കുന്ന ഇ‍യാൾ ഒരു പാറക്കല്ലിൽ പിടിച്ചാണ് നിൽക്കുന്നത്. ആളെ തിരിച്ചറിയാനായിട്ടില്ല. ശരീരത്തിൻറെ പകുതിയോളം ചെളിയിൽ പുതുഞ്ഞ് കിടക്കുന്ന നിലയിലാണ്.
രക്ഷപ്പെടുത്താൻ വിളിച്ചുപറയുന്നുണ്ടെങ്കിലും അടുത്തേക്ക് ആർക്കും എത്താനായിട്ടില്ല. അതേസമയം, ഉരുൾപൊട്ടലിൽ മരിച്ചവരുടെ എണ്ണം 41 ആയി. ഇനിയും നിരവിധി പേർ കുടുങ്ങികിടക്കുന്നതാായാണ് വിവരം.
ഇവരെ കണ്ടെത്താനുള്ള ശ്രമങ്ങൾ നടക്കുകയാണ്. ചൂരൽമല, മുണ്ടക്കൈ മേഖല ഒറ്റപ്പെട്ടിരിക്കുകയാണ്. മഴ തുടരുന്നതും മലവെള്ളപ്പാച്ചിൽ തുടരുന്നതും രക്ഷാപ്രവർത്തനത്തിന് തടസമാണ്.
