ചെന്നൈ: തമിഴ്നാട്ടിലെ മധുരയിൽ വനിത ഹോസ്റ്റലിൽ തീപിടിത്തം. അപകടത്തിൽ രണ്ട് പേർ മരിച്ചു. ശരണ്യ, പരിമളം എന്നിവരാണ് മരിച്ചത്. നിരവധി പേർക്ക് പരുക്കേറ്റിട്ടുമുണ്ട്. പെരിയാർ ബസ് സ്റ്റാൻഡിന് സമീപം കത്രപ്പാളയത്തുള്ള ഹോസ്റ്റലിൽ വ്യാഴാഴ്ച പുലർച്ചെ നാലിനാണ് തീപ്പിടിത്തമുണ്ടായത്. അഗ്‌നിശമന സേനയെത്തി തീകെടുത്തി. ഷോർട്ട് സർക്യൂട്ടാണ് അപകടകാരണമെന്നാണ് പ്രാഥമിക നിഗമനം. മൃതദേഹങ്ങൾ തുടർനടപടികൾക്കായി സർക്കാർ ആശുപത്രിയിലേക്ക് മാറ്റി. പരുക്കേറ്റവർ വിവിധ ആശുപത്രികളിൽ ചികിത്സയിലാണ്.
മധുരയിലെ വനിത ഹോസ്റ്റലിൽ ഉണ്ടായ തീപിടിത്തത്തിൽ 2 പേർ വെന്ത് മരിച്ചു
