ഇടുക്കി: പ്ലസ് വൺ വിദ്യാർഥി ചെക്ക് ഡാമിൽ മുങ്ങി മരിച്ചു. നെടുംകണ്ടം പത്തിനിപ്പാറ സ്വദേശി അനന്തു രാജേഷ് ആണ് മരിച്ചത്. സുഹൃത്തുക്കൾക്കൊപ്പം ചെക്ക് ഡാമിൽ മീൻ പിടിയ്ക്കാൻ എത്തിയതായിരുന്നു അനന്തു. ഇതിനിടയിലാണ് അപകടം സംഭവിച്ചത്. ഇന്ന് രണ്ടു മണിയോടുകൂടിയാണ് അനന്തും കൂട്ടുകാരോടൊപ്പം ചെക്ക് ഡാമിൽ എത്തിയത്. അനന്തു മുങ്ങി താഴുന്നത് കണ്ട് സുഹൃത്തുക്കൾ നിലവിളിച്ചതു കേട്ട് ഓടികൂടിയ നാട്ടുകാർ ആദ്യം രക്ഷാപ്രവർത്തനങ്ങൾ നടത്തിയെങ്കിലും കണ്ടെത്താനായില്ല. നെടുങ്കണ്ടത്ത് നിന്ന് എത്തിയ ഫയർഫോഴ്സും നെടുങ്കണ്ടം പോലീസും ചേർന്ന് നടത്തിയ തിരച്ചിലാണ് അനന്തുവിനെ കണ്ടെത്തിയത്. തുടർന്ന് നെടുങ്കണ്ടം ആശുപത്രിയിലേക്ക് മാറ്റി.
ഇടുക്കിയിൽ പ്ലസ് വൺ വിദ്യാർത്ഥി ചെക്ക് ഡാമിൽ മുങ്ങി മരിച്ചു
