തിരുവനന്തപുരം: കേരളത്തിന്റെ ചിരകാലാഭിലാഷമായ എയിംസ് ഈ വർഷം തന്നെ യാഥാർത്ഥ്യമാകുമെന്ന് ഉറപ്പ് ലഭിച്ചതായി ആരോഗ്യ വകുപ്പ് മന്ത്രി കെ. മുരളീധരൻ അറിയിച്ചു. ഡൽഹിയിൽ കേന്ദ്ര ആരോഗ്യ മന്ത്രിയുമായി നടത്തിയ കൂടിക്കാഴ്ച അനുകൂലമായിരുന്നുവെന്നും, ഇത്തവണ കേരളത്തിന് എയിംസ് അനുവദിക്കുന്ന കാര്യത്തിൽ കേന്ദ്ര സർക്കാരിന് ഒഴിവുകഴിവുകൾ പറയാനാകില്ലെന്നും അദ്ദേഹം വ്യക്തമാക്കി. എയിംസ് സ്ഥാപിക്കുന്നതിനായി ഭൂമി ഏറ്റെടുത്തു നൽകാൻ സംസ്ഥാന സർക്കാർ പൂർണ്ണ സജ്ജമാണെന്ന് ആരോഗ്യ മന്ത്രി വ്യക്തമാക്കി. കേരളത്തിൽ എവിടെ അനുവദിച്ചാലും തങ്ങൾക്ക് പരാതിയില്ലെന്ന നിലപാടാണ് സംസ്ഥാന സർക്കാരിനുള്ളതെന്ന് കെ. മുരളീധരൻ പറഞ്ഞു.
നിർദ്ദിഷ്ട സ്ഥലം ഇതിനോടകം തന്നെ കേന്ദ്രത്തിന് ചൂണ്ടിക്കാണിച്ചു നൽകിയിട്ടുണ്ടെന്നും, അധികൃതർ അത് പരിശോധിച്ച് സാങ്കേതികാനുമതി നൽകുമെന്നാണ് പ്രതീക്ഷിക്കുന്നതെന്നും അദ്ദേഹം വ്യക്തമാക്കി.
കേരളത്തിൽ നിന്നുള്ള എല്ലാ എംപിമാരും കക്ഷി രാഷ്ട്രീയ ഭേദമന്യേ എയിംസിന് വേണ്ടി ഒറ്റക്കെട്ടായാണ് നിലകൊള്ളുന്നത്. സ്ഥലത്തിൻ്റെ കാര്യത്തിൽ പ്രത്യേകിച്ച് ഒരു നിർബന്ധമില്ലെന്നും കേരളത്തിൽ എയിംസ് വരിക എന്നതിനാണ് മുൻഗണന നൽകുന്നതെന്നും അദ്ദേഹം പറഞ്ഞു
