കൊച്ചി: സംസ്ഥാനത്ത് സ്വർണവിലയിൽ വൻ കുതിപ്പ്. ഇന്ന് (16/03/2023) ഒറ്റയടിക്ക് പവന് 400 രൂപയാണ് വർധിച്ചത്. ഇതോടെ ഒരു പവൻ സ്വർണത്തിൻറെ വില 42,840 രൂപയായി. ഈ മാസത്തെ ഏറ്റവും ഉയർന്ന നിലവാരത്തിലാണ് എത്തിനിൽക്കുന്നത്.
ഗ്രാമിന് 50 രൂപയാണ് വർധിച്ചത്. 5355 രൂപയാണ് ഒരു ഗ്രാം സ്വർണത്തിൻറെ വില. തുടർച്ചയായ മുന്നേറ്റത്തിന് ശേഷം ഇന്നലെ സ്വർണവിലയിൽ നേരിയ ഇടിവ് രേഖപ്പെടുത്തിയിരുന്നു. ഒരു ഗ്രാമിന് 5305 രൂപയും ഒരു പവന് 42,440 രൂപയുമായിരുന്നു വില. ഈ മാസത്തിൻറെ തുടക്കത്തിൽ 41, 280 രൂപയായിരുന്നു ഒരു പവൻറെ വില.
