തിരുവനന്തപുരം: പേട്ടയിൽ നിന്ന് കാണാതായ പോക്സോ കേസിലെ അതിജീവതയെ കാണിയാപുരത്ത് നിന്ന് കണ്ടെത്തി. വീട്ടിൽ നിന്നും ഇന്ന് രാവിലെയാണ് 15 കാരിയെ കാണാതായത്. തുടർന്ന് അമ്മ നൽകിയ പരാതിയിൽ പേട്ട പൊലീസ് നഗരത്തിൽ വ്യാപകമായി അന്വേഷണം നടത്തി. അരമണിക്കൂറിനു ശേഷം കണിയാപുരത്ത് സുഹൃത്തിനൊപ്പം കുട്ടിയെ കണ്ടെത്തി.
പെൺകുട്ടിയെ കാണാതെ പോകുന്നതിന് മണിക്കൂറുകൾക്ക് ശേഷം സ്കൂളിലേക്ക് പരീക്ഷയെഴുതാന്‍ പോകുകയാണെന്നുള്ള ഫോൺകോൾ അമ്മയ്ക്ക് ലഭിച്ചിരുന്നു. ഇത് കേന്ദ്രീകരിച്ച് സൈബർ സെല്ലിന്‍റെ സഹായത്തോടെ നടത്തിയ അന്വേഷണത്തിലാണ് പെൺകുട്ടിയെ കണ്ടെത്തുന്നത്.
