ചെന്നൈ: ചിദംബരം സ്റ്റേഡിയത്തില്‍ ഇന്ത്യ- ഓസ്ട്രേലിയ ഏകദിന പരമ്പരയിലെ നിര്‍ണായക മൂന്നാം മത്സരം ഇന്നു നടക്കുമ്പോള്‍ പ്രധാന ഭീഷണി മഴ. ഉച്ചയ്ക്ക് ഒന്നരയ്ക്ക് നടക്കുന്ന മത്സരം സ്റ്റാര്‍ സ്‌പോര്‍ട്‌സും ഡിസ്‌നി ഹോട്‌സ്റ്റാറും തത്സമയം സംപ്രേക്ഷണം ചെയ്യും. മത്സരത്തില്‍ പങ്കെടുക്കാനായി ഇരുടീമും ഇന്നലെ രാവിലെ ചെന്നൈയിലെത്തി. പരമ്പരയിലെ ആദ്യ മത്സരത്തില്‍ ഇന്ത്യയും രണ്ടാം മത്സരത്തില്‍ ഓസ്ട്രേലിയയും ജയിച്ചു.അതുകൊണ്ടുതന്നെ മൂന്നു മത്സര പരമ്പരയില്‍ ഇന്നു ജയിക്കുന്നവര്‍ക്ക് പരമ്പര സ്വന്തമാക്കാം. ടെസ്റ്റ് പരമ്പരയ്ക്ക് പിന്നാലെ ഏകദിന പരമ്പരയും സ്വന്തമാക്കുകയാണ് ഇന്ത്യയുടെ ലക്ഷ്യം.
ഇന്ത്യ- ഓസ്ട്രേലിയ ഏകദിന പരമ്പര; മൂന്നാം മത്സരം ഇന്ന്
