ദോഹ: ഗാസയിലെ വെടിനിർത്തലും ബന്ദിമോചനവും സംബന്ധിച്ച മാധ്യസ്ഥ ചർച്ചകൾ ദോഹയിൽ തുടരുന്നു. ചർച്ചയ്‌ക്ക് ഇസ്രയേലി യുദ്ധ മന്ത്രിസഭയുടെ അംഗീകാരം ലഭിച്ചതിനെ തുടർന്ന് മൊസാദ് തലവൻ ഡേവിഡ് ബർണിയ ഉൾപ്പെടെയുള്ള സംഘം ദോഹയിലെത്തിയിരുന്നു.
താൽക്കാലിക വെടിനിർത്തൽ, ഗാസയിലേക്ക് കൂടുതൽ സഹായമെത്തിക്കൽ എന്നിവ മുൻനിർത്തിയാണ്‌ ചർച്ചകളെന്ന്‌ ഖത്തർ വിദേശ മന്ത്രാലയ വക്താവ് മാജിദ് അൽ അൻസാരി പ്രതികരിച്ചു. എന്നാൽ ഹമാസിനെ പൂർണമായും ഉൻമൂലനം ചെയ്യുമെന്ന നിലപാടിൽ ഉറച്ചുനിൽക്കുകയാണ്‌ ഇസ്രയേൽ.
