തിരുവനന്തപുരം: മേയർ ആര്യ രാജേന്ദ്രനും സഹോദര ഭാര്യക്കും നേരെ അശ്ലീല ആംഗ്യം കാണിച്ച കെഎസ്ആർടിസി താൽക്കാലിക ഡ്രൈവർ യദുവിനെതിരെ മുമ്പും യുവതിയെ അധിക്ഷേപിച്ചതിന്‌ കേസ്.
2017 മാർച്ച് 30ന് നേമം തളിയാദിച്ചപുരത്തായിരുന്നു സംഭവം. യുവതിക്കെതിരെ അശ്ലീല പരാമർശങ്ങൾ നടത്തുകയും ലൈംഗിക ആവശ്യത്തിന് ക്ഷണിച്ചതായുമാണ് പരാതി. സ്ത്രീത്വത്തെ അപമാനിച്ചതിനും പൊതുസ്ഥലത്ത് വച്ച് ആക്ഷേപിച്ചതിനുമാണ് കേസ്.
തിങ്കളാഴ്ച നടന്ന ചാനൽ അഭിമുഖത്തിനിടെ ഈ കേസുണ്ടെന്ന് യദു സമ്മതിക്കുന്നുണ്ട്. കേസിലെ തന്റെ ഭാഗം ന്യായീകരിക്കുന്ന തരത്തിലാണ് യദു ചാനൽ റിപ്പോർ‌ട്ടർക്ക് മറുപടി നൽകുന്നത്.
ലൈംഗിക അതിക്രമത്തിന് പുറമെ ബസ് അപകടങ്ങൾ‌ക്ക് ഇടയാക്കിയതിനും യദുവിന്റെ പേരിൽ വേറെയും കേസുകളുണ്ട്. തമ്പാനൂർ, പേരൂർക്കട, നേമം സ്റ്റേഷനുകളിലാണ് നിലവിൽ ഇയാൾക്കെതിരെ കേസുള്ളത്.
