ന്യൂഡൽഹി: ലോക്സഭാ തെരഞ്ഞെടുപ്പിൽ എൻ.ഡി.എയ്ക്ക് ഭൂരിപക്ഷം പ്രവചിച്ച എക്സിറ്റ് പോൾ ഫലങ്ങൾ തള്ളി മുതിർന്ന കോൺഗ്രസ് നേതാവുമായ സോണിയ ഗാന്ധി. നമുക്ക് കാത്തിരുന്ന് കാണാം.
തെരഞ്ഞെടുപ്പ് ഫലം എക്സിറ്റ് പോളിൽ നിന്ന് തീർത്തും വിപരീതമായിരിക്കുമെന്ന് സോണിയാ ഗാന്ധി പറഞ്ഞു. എക്സിറ്റ് പോൾ ഫലങ്ങൾ തള്ളി രാഹുൽ ഗാന്ധിയും നേരത്തെ രംഗത്തെത്തിയിരുന്നു.
ഇതിനെ എക്സിറ്റ് പോളുകൾ എന്നല്ല, മോദി മീഡിയ പോൾ എന്നാണ് വിളിക്കുകയെന്നാണ് രാഹുൽ ഗാന്ധി പറഞ്ഞത്. 295 സീറ്റിലെങ്കിലും ഇന്ത്യ കൂട്ടായ്മ വിജയിക്കുമെന്നാണ് ഇന്ത്യ കൂട്ടായ്മ നേതൃയോഗം വിലയിരുത്തിയത്.
ഇന്ത്യാ ന്യൂസ്, ജൻ കി ബാത്ത്, റിപ്പബ്ലിക് ടി.വി, റിപ്പബ്ലിക്ക് ഭാരത്, ആക്സിസ് മൈ ഇന്ത്യ എന്നിവയുടെ സർവെകളിൽ എൻഡിഎയ്ക്ക് ഭൂരിപക്ഷം ലഭിക്കുമെന്നാണ് പ്രവചിച്ചത്.