സുൽത്താൻ ബത്തേരിയിൽ ആംബുലൻസ് ഉൾപ്പെടെ 6 വാഹനങ്ങൾ അപകടത്തിൽപ്പെട്ടു

വയനാട്: സുൽത്താൻ ബത്തേരി ദൊട്ടപ്പൻ കുളത്ത് വാഹനാപകടം. ആംബുലൻസും ഓട്ടോറിക്ഷയും രണ്ട് ബൈക്കുകളും രണ്ട് കാറുകളുമാണ് അപകടത്തിൽപ്പെട്ടത്. നാല് പേർക്ക് പരുക്കേറ്റു. പരിക്കേറ്റവരെ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. വ്യാഴാഴ്ച രാവിലെ 9.15ഓടെയാണ് അപകടം ഉണ്ടായത്. നിയന്ത്രണം വിട്ടെത്തിയ ബൈക്കാണ് അപകടമുണ്ടാക്കിയതെന്നാണ് ആരോപണം.