പാലക്കാട്: പാർട്ടി അറിയാതെ ധനസമാഹരണം നടത്തിയതുമായി ബന്ധപ്പെട്ട പരാതിയിൽ മുതിർന്ന നേതാവ് പി.കെ ശശിക്കെതിരേ കടുത്ത നടപടികൾ സ്വീകരിച്ച് സി.പി.എം. പാർട്ടി പദവികൾ പിൻവലിക്കാനും ബ്രാഞ്ചിലേക്ക് തരം താഴ്ത്തുവാനുമാണ് സി.പി.എം സംസ്ഥാന സെക്രട്ടറി എം.വി ഗോവിന്ദന്‍റെ അധ്യക്ഷതയിൽ ചേർന്ന യോഗത്തിലെ തീരുമാനം.
സി.ഐ.ടി.യു ജില്ലാ പ്രസിഡന്‍റ്, പാർട്ടി ജില്ലാ കമ്മിറ്റി അംഗം തുടങ്ങിയ പദവികളാണ് നഷ്ടമാകുക. കെ.ടി.ഡി.സി ചെയർമാൻ പദവിയുമുണ്ട്. മണ്ണാർക്കാട് സഹകരണ എജ്യുക്കേഷൻ സൊസൈറ്റിക്ക് കീഴിലെ യൂണിവേഴ്സൽ കോളെജിന് വേണ്ടി പാർട്ടി അറിയാതെ ധനസമാഹരണവും ദുർവിനിയോഗവും നടത്തിയെന്ന് പരാതി ഉയർന്നിരുന്നു.
ഇതേ തുടർന്ന് പാർട്ടി അന്വേഷണ കമ്മിഷനെ നിയമിച്ചു. സി.പി.എം നിയന്ത്രണത്തിലുള്ള വിവിധി ബാങ്കുകളിൽ നിന്നായി 5.49 കോടി രൂപ ഓഹരിയായി സമാഹരിച്ചുവെന്നും കണ്ടെത്തി. ഇതേതുടർന്നാണ് നടപടി.
