ന‍്യൂഡൽഹി: മനുഷ‍്യ സാന്നിധ‍്യം വേണ്ടാത്ത വലിയ അന്തർവാഹിനി കപ്പൽ നിർമ്മിക്കാൻ ഒരുങ്ങി ഇന്ത‍്യൻ നാവികസേന. ഇന്ത‍്യയുടെ കിഴക്ക്- പടിഞ്ഞാറ് തീരപ്രദേശങ്ങളിലെ സമുദ്രശേഷി ശക്തിപ്പെടുത്തുകയാണ് ലക്ഷ‍്യമെന്ന് പ്രതിരോധ മന്ത്രാലയം അറിയിച്ചു.
ഏകദേശം 100 ടൺ ഭാരം വരുന്നവയാണ് ഓരോ പുതിയ അന്തർവാഹിനികളും. ആയുധങ്ങളും നിരീക്ഷണ ഉപകരണങ്ങളും ഉൾപ്പെടെ ആധുനിക സൗകര‍്യങ്ങളും ഇവയിലുണ്ടാകും. ശത്രുക്കളുടെ പ്രവർത്തനങ്ങൾ നിരീക്ഷിക്കുന്നതിലും പ്രതിരോധിക്കുന്നതിലും ഇവ നിർണായക പങ്ക് വഹിക്കുമെന്നാണ് വിലയിരുത്തൽ. തീരപ്രദേശങ്ങളിൽ നിന്ന് മാറി അകലെയുള്ള സമുദ്രങ്ങളിൽ വിന‍്യസിക്കാനാണ് നാവികസേനയുടെ പദ്ധതി.
