ന‍്യൂഡൽഹി: അന്തരിച്ച മുൻ പ്രധാനമന്ത്രി മൻമോഹൻ സിങിന് രാജ‍്യത്തിൻറെ അന്ത്യാഞ്ജലി. സോണിയ ഗാന്ധി രാഹുൽ ഗാന്ധി, പ്രിയങ്ക ഗാന്ധി, മല്ലികാർജുൻ ഖർഗെ അടക്കമുള്ള നേതാക്കൾ വസതിയിലെത്തി അന്തിമോപചാരം അർപ്പിച്ചു.
അമേരിക്കയിലുള്ള മകൾ മടങ്ങിയെത്തിയതിന് ശേഷം ശനിയാഴ്ച സംസ്കാരം നടക്കും. ഡൽഹിയിലെ കോൺഗ്രസ് ആസ്ഥാനത്തും പൊതുദർശനമുണ്ടാകും. പ്രധാനമന്ത്രി നരേന്ദ്ര മോദി, രാഷ്ട്രപതി ദ്രൗപതി മുർമു അടക്കമുള്ള രാഷ്ട്രീയ സാമൂഹ‍്യ രംഗത്തെ പ്രമുഖരും അന്തിമോചാരം അർപ്പിക്കും.
മൻമോഹൻ സിങിൻറെ നിര‍്യാണത്തെ തുടർന്ന് സർക്കാർ ഏഴ് ദിവസത്തെ ദുഃഖാചരണം പ്രഖ‍്യാപിച്ചിട്ടുണ്ട്. രാവിലെ 11 മണിക്ക് പ്രത‍്യേക മന്ത്രി സഭ യോഗം ചേരും.
വെള്ളിയാഴ്ച തിരുമാനിച്ച എല്ലാ സർക്കാർ പരിപാടികളും റദ്ദാക്കിയിട്ടുണ്ട്. പൂർണ ഔദ‍്യോഗിക ബഹുമതികളോടെയായിരിക്കും സംസ്കാരം നടത്തുക.
മൻമോഹൻ സിങ് വ‍്യാഴാഴ്ച രാത്രി ഡൽഹിയിലെ വസതിയിൽ കുഴഞ്ഞ് വീഴുകയായിരുന്നു. ഉടൻ എയിംസിലെത്തിച്ചെങ്കിലും ജീവൻ രക്ഷിക്കാനായില്ല. രാത്രി 9.51 ഓടെ മരണം സ്ഥിരീകരിച്ചു.
