കണ്ണൂർ: കഴിഞ്ഞ ദിവസം രാത്രിയിലാണ് ഹെൽമറ്റ് ധരിച്ചെത്തിയ യുവാവ് തൂമ്പ ഉപയോഗിച്ച് എ.റ്റി.എം കൗണ്ടർ കുത്തിത്തുറക്കാൻ ശ്രമിക്കുന്നതിനിടയിൽ പിടിയിലായത്.
പെരിങ്ങത്തൂരിലുള്ള സൗത്ത് ഇന്ത‍്യൻ ബാങ്കിൻറെ എ.റ്റി.എമ്മാണ് കുത്തിത്തുറന്ന് മോഷ്ടിക്കാൻ ശ്രമിച്ചത്. വടകര തൂണേരി സ്വദേശി വിഘ്നേശ്വർ പിടിയിലായി. എംടിഎം മെഷീൻ തകർത്ത് മോഷണം നടത്താൻ ശ്രമിച്ചതിൻറെ സി.സി.റ്റി.വി ദൃശ‍്യങ്ങൾ പൊലീസ് പരിശോധിച്ചതിന് പിന്നാലെയാണ് ഇയാളെ പിടികൂടിയത്. ക്രിസ്മസ് ദിവസം രാത്രിയായിരുന്നു സംഭവം.
രാത്രി ഹെൽമറ്റ് ധരിച്ച് മുഖം മറച്ച് തൂമ്പയുമായെത്തി എടിഎം മെഷീനിൻറെ രണ്ട് വശവും കുത്തിത്തുറക്കാൻ ശ്രമിച്ചെങ്കിലും ശ്രമം പാളി. തുടർന്ന് പദ്ധതി ഉപേക്ഷിച്ച് ഇയാൾ മടങ്ങി. എന്നാൽ സി.സി.റ്റി.വി ദൃശ‍്യങ്ങൾ കണ്ട അധികൃതർ പൊലീസിനെ വിവരമറിയിക്കുകയും പൊലീസിൻറെ അന്വേഷണത്തിൽ വെള്ളിയാഴ്ചയോടെ പ്രതിയെ പിടികൂടുകയുമായിരുന്നു.
