ന്യൂഡല്‍ഹി: സുപ്രീംകോടതിയെ വിമര്‍ശിച്ച് പാഞ്ചജന്യ. സുപ്രീംകോടതിയെ ഇന്ത്യാ വിരുദ്ധ ശക്തികള്‍ ഉപയോഗിക്കുന്നുവെന്നാണ് ആര്‍.എസ്.എസ് മുഖപത്രത്തിലെ പരാമര്‍ശം. രാജ്യത്തെ അപകീര്‍ത്തിപെടുത്താനുള്ള ശ്രമമാണ് നടക്കുന്നതെന്നും ബി.ബി.സി പറയുന്നത് തെറ്റാണെന്നും അതിൽ രേഖപ്പെടുത്തിയിട്ടുണ്ട്. കേന്ദ്ര സര്‍ക്കാരിന് സുപ്രീംകോടതി ബി.ബി.സി ഡോക്യുമെന്ററിയുടെ നിരോധനവുമായി ബന്ധപ്പെട്ട ഹര്‍ജികളില്‍ നോട്ടീസ് അയച്ചിരുന്നു. ഇത് ചൂണ്ടിക്കാട്ടിയാണ് വിമര്‍ശനം. സുപ്രീം കോടതി പ്രവര്‍ത്തിക്കുന്നത് ഇന്ത്യക്കാര്‍ അടയ്ക്കുന്ന നികുതിയിലാണ്. സുപ്രീംകോടതിയുടെ ചുമതല രാജ്യത്തിന് വേണ്ടിയുള്ള നിയമങ്ങള്‍ അനുസരിച്ച് പ്രവര്‍ത്തിക്കുകയുമാണെന്നും പാഞ്ചജന്യ പറയുന്നു.
ഇന്ത്യാ വിരുദ്ധ ശക്തികള്‍ സുപ്രീംകോടതിയെ ഉപയോഗിക്കുന്നുവെന്ന് പാഞ്ചജന്യ
